Beauty tips | చేదు నూనెతో చమక్కు.. వేప నూనెతో చర్మానికి నిగారింపు..!

Beauty tips | చర్మ సౌందర్యాన్ని కాపాడుకోవడానికి చాలా విధానాలు పాటిస్తుంటాం. బోలెడంత డబ్బు ఖర్చు చేసి రకరకాల క్రీములు కొంటాం. అయితే, వాటిలో ఉండే కెమికల్స్‌ కారణంగా అందం పెరగకపోగా, సైడ్‌ ఎఫెక్ట్స్‌ వచ్చే ప్రమాదం ఉంది.

Beauty tips : చర్మ సౌందర్యాన్ని కాపాడుకోవడానికి చాలా విధానాలు పాటిస్తుంటాం. బోలెడంత డబ్బు ఖర్చు చేసి రకరకాల క్రీములు కొంటాం. అయితే, వాటిలో ఉండే కెమికల్స్‌ కారణంగా అందం పెరగకపోగా, సైడ్‌ ఎఫెక్ట్స్‌ వచ్చే ప్రమాదం ఉంది. అలాకాకుండా సహజంగా లభించే నూనెలతో తయారయ్యే ఉత్పత్తులను వాడితే సౌందర్యాన్ని కాపాడుకోవడంతోపాటు చర్మ సమస్యలు రాకుండా జాగ్రత్తపడొచ్చు. చర్మ సౌందర్యాన్ని ఇనుమడింపజేయడంలో వేప నూనె బెస్టుగా పనిచేస్తుంది. పాలతో గానీ, తేనెతో గానీ వేప నూనె కలిపి ఫేస్‌ ప్యాక్‌ వేసుకుంటే.. మంచి గుణం కనిపిస్తుంది.

• ఆయుర్వేద మందుల తయారీలో వేపను విరివిగా వాడుతారు. వేప నూనెలో యాంటీ ఫంగల్‌, యాంటీ బ్యాక్టీరియల్‌, యాంటీ ఇన్‌ఫ్లమేటరీ లక్షణాలు ఉంటాయి. ఇవి ముఖంపై మొటిమలు, మచ్చలను తొలగించడంలో సాయం చేస్తాయి.
• వేప నూనెలోని యాంటీ ఆక్సిడెంట్స్‌ కణాల విచ్ఛిన్నానికి కారణమయ్యే ఫ్రీ రాడికల్స్‌ను దూరం చేసి చర్మం నిగనిగలాడేలా చేస్తాయి.
• ఇందులోని కెరోటినాయిడ్స్‌.. కొలాజెన్‌ ఉత్పత్తిని పెంచి చర్మాన్ని యవ్వనంగా ఉంచడంలో సాయపడతాయి. వేప నూనెలోని నేచురల్‌ ఫ్యాటీ యాసిడ్స్‌ చర్మంపై ఉండే సెబమ్‌ ఉత్పత్తిని బ్యాలెన్స్‌ చేస్తాయి. వేప నూనె కలిపిన ఫేస్‌ప్యాక్‌ వాడటం వల్ల ముఖంపై ఏర్పడిన తెల్లని, నల్లని మచ్చలు మాయమవుతాయి. ఫంగల్‌ ఇన్‌ఫెక్షన్ల నుంచి కూడా చర్మానికి రక్షణనిస్తుంది.