Hair | ఈ క్లిప్స్‌తో చిటికెలో మీకు నచ్చిన రకంగా జడ వేసుకోండి!

Hair | జడ వేసుకోవడం వచ్చినా రాకపోయినా.. హెయిర్‌ ైస్టెల్‌ మాత్రం ఫ్యాషన్‌గా ఉండాలని కోరుకుంటారు చాలామంది. ఇష్టం కదా అని రకరకాల జడలు చిటికెలో వేసుకోవడం రావాలంటే కష్టమే. అందుకే అనుకున్నదే తడవుగా ఎవరి జడను వాళ్లే సరికొత్తగా అల్లుకునే అవకాశాన్ని కల్పిస్తున్నాయి ‘క్లోవర్‌ డక్‌బిల్‌ క్లిప్స్‌'.

Hair |  జడ వేసుకోవడం వచ్చినా రాకపోయినా.. హెయిర్ స్టైల్ మాత్రం ఫ్యాషన్‌గా ఉండాలని కోరుకుంటారు చాలామంది. ఇష్టం కదా అని రకరకాల జడలు చిటికెలో వేసుకోవడం రావాలంటే కష్టమే. అందుకే అనుకున్నదే తడవుగా ఎవరి జడను వాళ్లే సరికొత్తగా అల్లుకునే అవకాశాన్ని కల్పిస్తున్నాయి ‘క్లోవర్‌ డక్‌బిల్‌ క్లిప్స్‌’. ఒక పొడవైన క్లిప్‌లో మూడు, నాలుగు చిన్న క్లిప్పులు ఉంటాయి. పెద్ద క్లిప్పును జుట్టుకు పెట్టాక, పైన పాయలను తీసి మెలివేసి ఈ చిన్న క్లిప్పులలో పెట్టవచ్చు. జుట్టు ముందు భాగంలో ఈ తరహా క్లిప్‌తో ఓ పక్కగా జడ వేసుకుంటే, మరో క్లిప్‌ అందంగా కనిపించడంతో పాటు అందులోని పాయలు వెరైటీగా అనిపిస్తాయి.

కొత్త రకం జడను తలపిస్తాయి. ఈ జడపిన్నును వెనకవైపు పెడితే ఫ్రెంచ్‌ ప్లెయిట్‌ తరహాలో జడ అల్లుకోవచ్చు. అలాగే చిన్న చిన్న జడలు అల్లి ఈ చిన్న క్లిప్పుల్లో అమర్చినా వెరైటీ తలకట్టు ఆవిష్కృతం అవుతుంది. ఇదే తరహాలో హెయిర్‌ బ్యాండ్లూ తయారవుతున్నాయి. అంటే సాధారణ హెయిర్‌ బ్యాండ్‌లాగే దీన్నీ పెట్టుకోవచ్చు. బ్యాండ్‌ పైన చుట్టూ చిన్న చిన్న క్లిప్పులు ఉంటాయి. ఈ ‘క్లిప్‌ హెయిర్‌ బ్యాండ్‌’ లోపల వెంట్రుకలను పాయలు చేసి పెడితే విభిన్నమైన లుక్‌ మన సొంతం అవుతుంది.