Skin Care | ముఖారవిందం కోసం మంచు మర్దన చేసేద్దాం

కాలం ఏదైనా స్కిన్‌ కేర్‌ తప్పనిసరి. లేదంటే చర్మంపై ట్యాన్‌ ఏర్పడి ముఖారవిందం ముడుచుకుపోయినట్టు అవుతుంది. ఎండవేడిమికి కమిలిపోయిన చర్మానికి తిరిగి నిగారింపు తెచ్చేందుకు చాలామంది పార్లర్లకు వెళ్తుంటారు. అయితే, ఐస్‌ ఫేషియల్‌తో ఇంటిపట్టునే ముచ్చటైన రూపాన్ని సొంతం చేసుకోవచ్చు.

కాలం ఏదైనా స్కిన్‌ కేర్‌ తప్పనిసరి. లేదంటే చర్మంపై ట్యాన్‌ ఏర్పడి ముఖారవిందం ముడుచుకుపోయినట్టు అవుతుంది. ఎండవేడిమికి కమిలిపోయిన చర్మానికి తిరిగి నిగారింపు తెచ్చేందుకు చాలామంది పార్లర్లకు వెళ్తుంటారు. అయితే, ఐస్‌ ఫేషియల్‌తో ఇంటిపట్టునే ముచ్చటైన రూపాన్ని సొంతం చేసుకోవచ్చు.

Skin Care | చర్మాన్ని సహజంగా, ఆరోగ్యంగా ఉంచడంలో ఐస్‌ ఫేషియల్‌ ముఖ్యపాత్ర పోషిస్తుంది. దీనిని క్రయోథెరపీగా చెబుతారు. ఐస్‌ లేదా కోల్డ్‌ క్రంపెస్‌లను ఉపయోగించి ముఖానికి రాసుకోవాలి. ఐస్‌ క్యూబ్స్‌ని మృదువైన క్లాత్‌లో వేసి మర్దన చేసుకోవాలి. కోల్డ్‌ ఫేషియల్‌ రోల్స్‌ను కూడా ఉపయోగించొచ్చు. ముఖంపై ఉండే చర్మానికి నిగారింపు ఇవ్వడమే కాకుండా వేడి నుంచి కూడా ఉపశమనాన్ని ఇస్తుంది.

చల్లగా ఉండే ఐస్‌తో మసాజ్‌ చేయడం వల్ల చర్మంపై ఉండే రక్తనాళాలు సంకోచిస్తాయి. రక్త ప్రసరణ మెరుగవుతుంది. స్కిన్‌ టోన్‌ మెరుగవుతుంది. కళ్లు ఉబ్బడం తగ్గుతాయి. కంటి కింద ఉండే నల్లటి వలయాలు క్రమంగా మాయమవుతాయి.
మొటిమల సమస్యతో ఐస్‌ ఫేషియల్‌ మంచి పరిష్కారం. మొటిమల వల్ల వచ్చే వాపు, మంట నుంచి ఉపశమనం లభిస్తుంది. చర్మంపై జిడ్డు కూడా తగ్గుతుంది.

ఈ జాగ్రత్తలు తప్పనిసరి..
ఐస్‌ ఫేషియల్‌ చేసుకునే ముందు ముఖాన్ని నీటితో శుభ్రం చేసుకోవాలి. ముఖంపై దుమ్ము లేకుండా చూసుకోవాలి. ఐస్‌క్యూబ్‌ను నేరుగా ముఖంపై పెట్టుకోకూడదు. సాఫ్ట్‌ టిష్యూలోగానీ, కాటన్‌ క్లాత్‌లో గానీ ఐస్‌ క్యూబ్‌ వేసుకొని ముఖంపై నెమ్మదిగా మసాజ్‌ చేయాలి. లేదంటే కోల్ట్‌ ఫేషియల్‌ రోలర్‌ని ఉపయోగించాలి. ఒకటి నుంచి రెండు నిమిషాలు మసాజ్‌ చేసిన తర్వాత కాసేపు ఆపాలి. లేదంటే చల్లదనానికి మంటపుడుతుంది.