కాస్త.. మీ గురించి కూడా!

మహిళలు తమ వ్యక్తిగత సమస్యలను కొంతైనా పట్టించుకోవాలని బాలీవుడ్‌ నటి గుల్‌ పనాగ్‌ సలహా ఇచ్చింది. ‘ఫ్యామిలీమ్యాన్‌' వెబ్‌సిరీస్‌తో ఓవర్‌నైట్‌లో ఓటీటీ స్టార్‌ అయిపోయిన ఆమె.. నెలసరి విషయంలో మహిళలు ఒకరికొకరు మద్దతుగా నిలవాలని చెప్పుకొచ్చింది. ‘మహిళల ఆరోగ్యం, సాధికారత ఐక్యతతోనే మొదలవుతుంది. ఆ దిశగా అడుగులు వేయాలి. కుటుంబ పోషణలో స్త్రీలు ఎంతో బాధ్యతగా నడుచుకుంటారు.

మహిళలు తమ వ్యక్తిగత సమస్యలను కొంతైనా పట్టించుకోవాలని బాలీవుడ్‌ నటి గుల్‌ పనాగ్‌ సలహా ఇచ్చింది. ‘ఫ్యామిలీమ్యాన్‌’ వెబ్‌సిరీస్‌తో ఓవర్‌నైట్‌లో ఓటీటీ స్టార్‌ అయిపోయిన ఆమె.. నెలసరి విషయంలో మహిళలు ఒకరికొకరు మద్దతుగా నిలవాలని చెప్పుకొచ్చింది. ‘మహిళల ఆరోగ్యం, సాధికారత ఐక్యతతోనే మొదలవుతుంది. ఆ దిశగా అడుగులు వేయాలి. కుటుంబ పోషణలో స్త్రీలు ఎంతో బాధ్యతగా నడుచుకుంటారు. ఈ క్రమంలో వారి ప్రాధాన్యాన్ని వాళ్లు తగ్గించుకుంటారు. ఆరోగ్యాన్నీ నిర్లక్ష్యం చేస్తారు. వ్యక్తిగత ఆరోగ్యంపై దృష్టిపెట్టక ఎందరో స్త్రీలు మలి వయసంతా అనారోగ్యంతోనే సహవాసం చేస్తారు’ అని చెప్పుకొచ్చింది గుల్‌ పనాగ్‌. ఇటీవల ఓ ప్రైవేట్‌ ఈవెంట్‌లో ఆమె మాట్లాడిన మాటలు వైరల్‌ అయ్యాయి. తల్లిదండ్రులు, కట్టుకున్నవాడు, పిల్లల విషయంలో స్త్రీ ఎలాంటి జాగ్రత్తలు తీసుకుంటుందో.. తన ఆరోగ్య విషయంలోనూ అదే శ్రద్ధను చూపాలని సూచించింది. ‘నా ఆరోగ్యాన్ని పరిరక్షించుకోవడం ద్వారానే నేను విజయవంతమైన జీవితాన్ని కొనసాగిస్తున్నాను’ అనే గుల్‌ పనాగ్‌ మాటలు మహిళలు ఆచరించదగ్గవి!