దృఢమైన కేశాల కోసం

నల్లగా నిగనిగలాడే దృఢమైన జుట్టు కావాలని అందరూ కోరుకుంటారు. ఆ ప్రయత్నంలో రకరకాల షాంపూలు, హెయిర్‌ ప్యాక్‌లు ప్రయత్నిస్తారు. కొంతమంది మాత్రం సంప్రదాయాన్ని అనుసరించి కొబ్బరినూనెను ఎంచుకుంటారు.

నల్లగా నిగనిగలాడే దృఢమైన జుట్టు కావాలని అందరూ కోరుకుంటారు. ఆ ప్రయత్నంలో రకరకాల షాంపూలు, హెయిర్‌ ప్యాక్‌లు ప్రయత్నిస్తారు. కొంతమంది మాత్రం సంప్రదాయాన్ని అనుసరించి కొబ్బరినూనెను ఎంచుకుంటారు. దీనివల్ల జుట్టు ఒత్తుగా, దృఢంగా మారుతుందని అనాదిగా వస్తున్న నమ్మకం. అయితే, కొబ్బరినూనె రాయడంలోనూ జాగ్రత్తలు తప్పనిసరి.

• జుట్టుకు నూనె రాస్తూ చాలాసేపు మర్దన చేయకూడదు. దీనివల్ల మాడుకు నూనె బాగా పట్టి చుండ్రు పెరిగే అవకాశం ఉంది.
• నూనె రాయగానే జుట్టును గట్టిగా ముడివేయకూడదు. గట్టిగా లాగి రబ్బర్లు, క్లిప్పులు వంటివి పెట్టడం వల్ల కుదుళ్లు బలహీనపడతాయి.
  వదులుగా ఉంచడమే మంచిది. అంతేకాదు అతిగా నూనె రాయడమూ మంచిది కాదు.
• జుట్టుకు నూనె పట్టించి పన్నెండు గంటలకు మించి ఉంచకూడదు.
• చల్లటి నూనె కాకుండా కాస్త గోరువెచ్చని నూనెను రాయాలి. దీనివల్ల కుదుళ్లలో రక్తప్రసరణ మెరుగవుతుంది. జుట్టు దృఢంగా మారుతుంది.