టాటూ వేయించుకుంటే ఏడాది పాటు బ‌ర్గ‌ర్లు ఫ్రీ

న్యూయార్క్ : ‌స్టైల్ స్టేట్మెంట్ కోసం యువ‌త టాటూలు వేయించుకోవ‌డం ఇప్పుడు స‌ర్వ‌సాధార‌ణం కాగా, దీన్ని త‌మ మార్కెటింగ్ టెక్నిక్ గా అమెరిక‌న్ ఈట‌రీ సంస్థ వాడుకుంటోంది. తమ దుకాణం 40వ వార్షికోత్స‌వం సంద‌ర్భంగా కాలిఫోర్నియాకు చెందిన బ‌ర్గ‌ర్ జాయిట్ ఫార్మ‌ర్ బాయ్స్ వినూత్న ఆఫ‌ర్ తో ముందుకొచ్చింది.

బ‌ర్గ‌ర్ పై త‌మ అవుట్ లెట్ పేరుతో కూడిన టాటూ వేయించుకున్న వారికి ఏడాది పాటు బ‌ర్గ‌ర్ల‌ను ఉచితంగా ఇస్తామ‌ని ఆఫ‌ర్ చేసింది. దీనికోసం ఆ సంస్థ వెస్ట్ హాలీవుడ్ కు చెందిన హాన‌ర్బుల్ సొసైటీ టాటూ షాప్ తో ఒప్పందం చేసుకుంది. త‌మ అవుట్ లెట్ కీల‌క మైలురాయిని చేరుకున్న సంద‌ర్భంగా త‌మ ప‌ట్ల విశ్వాసం క‌న‌బ‌రిచిన క‌స్ట‌మ‌ర్ల‌కు ఈ ఆఫ‌ర్ ప్ర‌క‌టించామ‌ని బ‌ర్గ‌ర్ జాయింట్ వైస్ ప్రెసిడెంట్, మార్కెటింగ్ చీఫ్ ల్యారీ రుసింకో తెలిపారు.