ఇంటిలోని పోరు ఇంతింతగాదయా అన్నాడు వేమన. అది మగవారి బాధే అనుకోవడానికి లేదు. మగువల వేదన కూడా! ముఖ్యంగా అత్తాకోడళ్లు ఒకే ఇంట్లో ఉండాల్సి వచ్చినప్పుడు అనేక సమస్యలు. కోడలు వాటిని అధిగమించే మార్గాలివి..
ఇంటిలోని పోరు ఇంతింతగాదయా అన్నాడు వేమన. అది మగవారి బాధే అనుకోవడానికి లేదు. మగువల వేదన కూడా! ముఖ్యంగా అత్తాకోడళ్లు ఒకే ఇంట్లో ఉండాల్సి వచ్చినప్పుడు అనేక సమస్యలు. కోడలు వాటిని అధిగమించే మార్గాలివి..
వ్యక్తిగత ఆరోపణలకు అస్సలు స్పందించకండి. మిమ్మల్ని మరింత గాయపరిచే అవకాశం ఇవ్వకుండా, అక్కడి నుంచి తప్పుకోండి.
తల్లిని సమర్థించాలా, భార్యవైపు ఉండాలా అనేది భర్తకు పెద్ద సందిగ్ధం. తల్లి పట్ల కృతజ్ఞత, భార్య మీద ప్రేమ ఏదో ఒక వైపే నిలబడకుండా చేస్తాయి. ఆ సమయంలో, ఎవరో ఒకరిని ఎంచుకొని తీరాలి అంటూ బలవంతపెట్టకండి.
అత్తమామలతో ఉన్న తగాదాలను చిన్నపిల్లల ముందు ప్రస్తావించవద్దు. ఆ ప్రభావం చిన్నారుల మనసుల మీద పడుతుంది. పిల్లలకు సహజంగానే కొంత అవగాహన ఉంటుంది కాబట్టి, మనం చెప్పకుండానే గ్రహించగలరు.
తమకు చాలా అనుభవం ఉందని పెద్దల నమ్మకం. ఆ అభిప్రాయాన్ని కాదని అహాన్ని దెబ్బతీయడం ఎందుకు? నిర్ణయాలు తీసుకునేటప్పుడు, తనకో మాట చెప్పండి.
అత్త ముందు భర్త గురించి చులకనగా మాట్లాడితే సమస్య మరింత తీవ్రం అవుతుంది. ఆ వాగ్బాణాలు అటు అత్తతోను, ఇటు భర్తతోనూ ఉన్న అనుబంధాన్ని దెబ్బతీస్తాయి.