బైక్‌ అదుపుతప్పి యువకుడు మృతి

ఖమ్మం జిల్లా ఎర్రుపాలెం మండల కేంద్రంలో బుధవారం తెల్లవారుజామున జరిగిన బైక్‌ ప్రమాదంలో ఓ యువకుడు మృతి చెందాడు. తెల్లపాలెం గ్రామానికి చెందిన వాగదాని వీరబాబు (23) కండ్రిక నుండి ఎర్రుపాలెం వెళ్తుండగా...

ఎర్రుపాలెం, అక్టోబర్ 21 : ఖమ్మం జిల్లా ఎర్రుపాలెం మండల కేంద్రంలో బుధవారం తెల్లవారుజామున జరిగిన బైక్‌ ప్రమాదంలో ఓ యువకుడు మృతి చెందాడు. తెల్లపాలెం గ్రామానికి చెందిన వాగదాని వీరబాబు (23) కండ్రిక నుండి ఎర్రుపాలెం వెళ్తుండగా బైక్‌ అదుపుతప్ప‌డంతో కింద‌ప‌డ్డాడు. ఈ దుర్ఘ‌ట‌న‌లో రోడ్డుకు తల బలంగా త‌గ‌ల‌డంతో తీవ్ర గాయాలై అక్కడికక్కడే మృతి చెందాడు. సమాచారం అందుకున్న ఎస్ఐ రమేష్‌కుమార్‌ ఘటనా స్థలానికి చేరుకుని కుటుంబ సభ్యులకు సమాచారం ఇచ్చారు. మృతదేహాన్ని మధిర ఆస్ప‌త్రికి తరలించి పోస్టుమార్టం నిర్వహించారు. మృతుడి తండ్రి వాగదాని శ్రీనివాసరావు ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్ఐ తెలిపారు.