Bhatti Vikramarka | డిప్యూటీ సీఎం ఇలాకాలో కాంగ్రెస్కు షాక్.. సర్పంచ్ ఫాతిమాభి రాజీనామా!
Bhatti Vikramarka | ఖమ్మం జిల్లా ఎర్రుపాలెం మండలం కాచవరం సర్పంచ్ షేక్ ఫాతిమాభి కాంగ్రెస్కు రాజీనామా చేస్తున్నట్లు ప్రకటించారు. గ్రామాభివృద్ధికి పార్టీ నేతల సహకారం లేదని తెలిపారు.
Bhatti Vikramarka | ఎర్రుపాలెం, అక్టోబర్ 11: డిప్యూటీ సీఎం భట్టి విక్రమార్క ప్రాతినిధ్యం వహిస్తున్న మధిర నియోజకవర్గంలో కాంగ్రెస్ పార్టీకి షాక్ తగిలింది. ఖమ్మం జిల్లా ఎర్రుపాలెం మండలం కాచవరం గ్రామ సర్పంచ్ షేక్ ఫాతిమాభి కాంగ్రెస్ పార్టీకి రాజీనామా చేస్తున్నట్లు ప్రకటించారు. గ్రామంలో అభివృద్ధి పనులు చేపట్టేందుకు సొంత పార్టీ నాయకుల నుంచి సహకారం అందడం లేదని ఈ సందర్భంగా ఆమె ఆవేదన వ్యక్తం చేశారు.
శనివారం రాత్రి తన నివాసంలో ఏర్పాటు చేసిన సమావేశంలో ఫాతిమాభి మాట్లాడారు. తమ కుటుంబం గత 20 ఏళ్లుగా కాంగ్రెస్ పార్టీకి విధేయంగా పనిచేస్తోందని తెలిపారు. గతంలో పార్టీ తరఫున పోటీ చేసి ఓటమి పాలైనా పార్టీని వీడకుండా కొనసాగామని గుర్తుచేశారు. ఇటీవల జరిగిన గ్రామపంచాయతీ ఎన్నికల్లో అన్ని పార్టీల నాయకుల మద్దతుతో తాను ఏకగ్రీవంగా సర్పంచ్గా ఎన్నికైనట్లు పేర్కొన్నారు.
సర్పంచ్గా బాధ్యతలు చేపట్టినప్పటి నుంచి గ్రామంలోని కొందరు కాంగ్రెస్ నాయకుల నుంచి సహకారం అందడం లేదని ఫాతిమాభి తెలిపారు. గ్రామంలో అభివృద్ధి పనులు చేపట్టేందుకు ప్రయత్నించినప్పుడు పార్టీలోని మరో వర్గం నుంచి అభ్యంతరాలు ఎదురవుతున్నాయని చెప్పారు. ప్రజలకు అవసరమైన పనులు చేయడంలో ఇబ్బందులు ఎదురవుతున్నాయని పేర్కొన్నారు.
ఈ సమస్యను పలుమార్లు మండల స్థాయి కాంగ్రెస్ నాయకుల దృష్టికి తీసుకెళ్లినా స్పందన రాలేదని ఫాతిమాభి తెలిపారు. గ్రామాభివృద్ధి, సంక్షేమ పథకాల అమలే లక్ష్యంగా పనిచేయాలని భావించినప్పటికీ, పార్టీలోని విభేదాల కారణంగా సహకారం లభించడం లేదని ఆవేదన వ్యక్తం చేశారు. సమస్యను గ్రామ, మండల స్థాయి నాయకులకు వివరించినా పరిష్కారం లభించలేదని పేర్కొన్నారు.
పార్టీలో కొనసాగుతూ గ్రామ ప్రజలకు సేవ చేయాలన్న తన ప్రయత్నాలకు ఆటంకాలు ఎదురవుతున్న నేపథ్యంలో కాంగ్రెస్కు రాజీనామా చేస్తున్నట్లు ఫాతిమాభి ప్రకటించారు. తన భవిష్యత్ రాజకీయ కార్యాచరణను త్వరలో వెల్లడిస్తానని తెలిపారు. డిప్యూటీ సీఎం భట్టి విక్రమార్క ప్రాతినిధ్యం వహిస్తున్న మధిర నియోజకవర్గంలో కాంగ్రెస్ సర్పంచ్ రాజీనామా ప్రకటన చేయడం స్థానిక రాజకీయ వర్గాల్లో చర్చకు దారితీసింది.
Read Today's Latest Khammam News in Telugu and Telugu News
RELATED ARTICLES
తాజా వార్తలు
Congress MLA | పైసల్లేనిదే పనైతలేదు.. ఇది లంచగొండుల సర్కార్.. కాంగ్రెస్ ఎమ్మెల్యే అనిరుధ్రెడ్డి వ్యాఖ్యలు వైరల్
Jupally Krishna Rao | కాలువల నుంచి చుక్క నీరూ ఇవ్వం.. ఆడపిల్లల శారీ ఫంక్షన్లు జరుపుకోవద్దు.. మంత్రి జూపల్లి ప్రవచనాలు
Cyclone Akvan | తీరం వైపు దూసుకొస్తున్న ‘అక్వాన్’.. మూడు రోజులపాటు భారీ వర్షాలు
Revanth Reddy | ప్రతి కుటుంబానికీ రూ. 5 లక్షల బీమా.. అధికారులకు సీఎం రేవంత్ రెడ్డి ఆదేశాలు
KTR | సోనియా మనసులో తెలంగాణ లేదు..అందుకే తన ఆత్మకథలో తెలంగాణ ప్రస్తావన తేలేదు: కేటీఆర్
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

