Strike notice | ఆశ వర్కర్ల సమస్యల పరిష్కారించాలని డిమాండ్‌ చేస్తూ ప్రభుత్వ విప్ ఆది శ్రీనివాస్‌కు సమ్మె నోటీస్

కాంగ్రెస్ పార్టీ ప్రభుత్వం ఎన్నికల సమయంలో ఇచ్చిన హామీలను నెరవేర్చాలని ప్రభుత్వ విప్ ఆది శ్రీనివాస్ నివాసంలో ఆశ కార్యకర్తలు సమ్మె నోటీసును మంగళవారం అందజేశారు.

Strike notice | వేములవాడ, నవంబర్ 10 : కాంగ్రెస్ పార్టీ ప్రభుత్వం ఎన్నికల సమయంలో ఇచ్చిన హామీలను నెరవేర్చాలని ప్రభుత్వ విప్ ఆది శ్రీనివాస్ నివాసంలో ఆశ కార్యకర్తలు సమ్మె నోటీసును మంగళవారం అందజేశారు. ఈ సందర్భంగా సీఐటీయూ జిల్లా ప్రధాన కార్యదర్శి రమణ మాట్లాడారు.

ఆశ కార్యకర్తకు రూ.18 వేల ఫిక్స్ డ్ వేతనం, ఆరోగ్య భద్రత, ఉద్యోగ భద్రతను కూడా కల్పించాలని డిమాండ్ చేశారు. తమ న్యాయమైన సమస్యల పరిష్కారం కోసం డిసెంబర్ 15 నుండి సమ్మెకు దిగుతున్నట్లు నోటీసు కూడా అందజేశామని తెలిపారు. ఈ కార్యక్రమంలో ఆశ కార్యకర్తలు జయశీల, లత, గాయత్రి, జ్యోతి, ఉమా, రేఖ తదితరులు పాల్గొన్నారు.