అమెరికాలో తెలంగాణ సంస్కృతి, సంప్రదాయ వేడుకల్లో దాసరి మనోహర్‌రెడ్డి

అమెరికాలో తెలంగాణ అమెరికన్‌ తెలుగు సంఘం (TATA) ఆధ్వర్యంలో నిర్వహించిన తెలంగాణ సంస్కృతి, సంప్రదాయ వేడుకల్లో పెద్దపల్లి మాజీ ఎమ్మెల్యే, బీఆర్‌ఎస్‌ పెద్దపల్లి నియోజకవర్గ ఇన్‌చార్జి దాసరి మనోహర్‌రెడ్డి పాల్గొన్నారు.

పెద్దపల్లి రూరల్‌, అక్టోబర్‌ 26: అమెరికాలో తెలంగాణ అమెరికన్‌ తెలుగు సంఘం (TATA) ఆధ్వర్యంలో నిర్వహించిన తెలంగాణ సంస్కృతి, సంప్రదాయ వేడుకల్లో పెద్దపల్లి మాజీ ఎమ్మెల్యే, బీఆర్‌ఎస్‌ పెద్దపల్లి నియోజకవర్గ ఇన్‌చార్జి దాసరి మనోహర్‌రెడ్డి పాల్గొన్నారు.

ఈ సందర్భంగా నిర్వాహకులు ఆయనకు పుష్పగుచ్ఛం అందించి, శాలువాతో ఘనంగా సత్కరించారు. తెలంగాణ సంస్కృతి, సంప్రదాయాలను విదేశాల్లోనూ కొనసాగిస్తూ, తెలుగు ప్రజలను ఒకే వేదికపైకి తీసుకొస్తున్న తెలంగాణ అమెరికన్‌ తెలుగు సంఘం సేవలను ఆయన కొనియాడారు.

తెలంగాణ ఆత్మీయతను, తెలుగు సంస్కృతి వైభవాన్ని చాటిచెప్పే ఇలాంటి కార్యక్రమాల్లో పాల్గొనడం ఆనందంగా ఉందని దాసరి మనోహర్‌రెడ్డి పేర్కొన్నారు. ఈ కార్యక్రమంలో ఆయన వెంట పలువురు ప్రముఖులు పాల్గొన్నారు.