Power Supply | విద్యుత్ సరఫరా అందించడంలో కాంగ్రెస్ ప్రభుత్వం విఫలం

Power Supply | కాంగ్రెస్ అధికారంలోకి వచ్చిన తర్వాత విద్యుత్ సరఫరాలో అంతరాయాలు ఏర్పడుతున్నాయని బీఆర్‌ఎస్‌ నాయకులు ఆరోపించారు.

బీర్పూర్‌ : కాంగ్రెస్ అధికారంలోకి వచ్చిన తర్వాత విద్యుత్ సరఫరా ( Power Supply) లో అంతరాయాలు ఏర్పడుతున్నాయని బీఆర్‌ఎస్‌ నాయకులు( BRS Leaders ) ఆరోపించారు.
బీర్పూర్ మండలంలో ఏర్పాటు చేసిన మీడియా సమావేశంలో నాయకులు మాట్లాడారు. 24 గంటలపాటు నిరంతరం కరెంట్ ఇస్తామని హామీ ఇచ్చిన కాంగ్రెస్‌ అధికారంలోకి వచ్చిన తరువాత మాట మార్చిందని పేర్కొన్నారు.

ప్రభుత్వం కనీసం నిరంతరం 7గంటల విద్యుత్ సరఫరా అందించడంలో విఫలమవుతోంద ని విమర్శించారు. కరెంట్ కోతల కారణంగా రైతులు, వ్యాపారులు, సామాన్య ప్రజలు అనేక ఇబ్బందులను ఎదుర్కొంటున్నారని తెలిపారు. నాణ్యమైన విద్యుత్‌ను నిరంతరాయంగా సరఫరా చేయాలని, విద్యుత్ సమస్యలపై ప్రభుత్వం తక్షణమే స్పందించాలని వారు డిమాండ్‌ చేశారు. ఈ కార్యక్రమంలో మాసర్తి రమేష్, గుడిసె జితేందర్, నేరెళ్ల సుమన్, బోదాసు మహేందర్, నేరెళ్ల కృష్ణమూర్తి, జూపెల్లి అనిల్ రావు, ఎదుల మల్లేష్ పాల్గొన్నారు.