Vemulawada | బీఆర్ఎస్ కార్యకర్తలపై దాడులు చేస్తే సహించబోం.. బీఆర్ఎస్ వేములవాడ నియోజకవర్గ ఇన్చార్జి చల్మెడ లక్ష్మీనరసింహారావు

బీఆర్ఎస్ కార్యకర్తలపై దాడులను సహించబోమని వేములవాడ బీఆర్ఎస్ నియోజకవర్గ ఇన్చార్జి చల్మెడ లక్ష్మీనరసింహారావు పేర్కొన్నారు.

Vemulawada | వేములవాడ రూరల్ : బీఆర్ఎస్ కార్యకర్తలపై దాడులను సహించబోమని వేములవాడ బీఆర్ఎస్ నియోజకవర్గ ఇన్చార్జి చల్మెడ లక్ష్మీనరసింహారావు పేర్కొన్నారు. వేములవాడ రూరల్ మండలం వట్టెంల గ్రామానికి చెందిన గుడి రత్నాకర్ రెడ్డిపై వట్టెంల సర్పంచ్ రంగు వెంకటేష్ గౌడ్ అతని అనుచరులు దాడి చేసిన విషయం తెలిసిందే. కాగా రత్నాకర్ రెడ్డిని ఆయన శనివారం పరామర్శించారు. ఈ సందర్భంగా చల్మెడ మాట్లాడుతూ బీఆర్ఎస్ కార్యకర్తలపై కాంగ్రెస్ సర్పంచి దాడి చేయడాన్ని ఆయన తీవ్రంగా ఖండించారు.

గ్రామాల్లో కాంగ్రెస్ నాయకుల అరాచకాలు పెరుగుతున్నాయని, బీఆర్ఎస్ కార్యకర్తలపై దాడులు చేస్తే చూస్తూ ఊరుకోబోమని హెచ్చరించారు. దాడి చేసిన వారిపై కఠిన చర్యలు తీసుకోవాలని డిమాండ్‌ చేశారు. బీఆర్ఎస్ కార్యకర్తలు ఆధ్వర్యంలో పడొద్దని అండగా ఉంటామన్నారు. ఇలాంటి ఘటనలకు రానున్న రోజుల్లో సరైన సమాధానం చెబుతామని హెచ్చరించారు. ఆయన వెంట బీఆర్ఎస్ నాయకులు గోస్కుల రవి, హనుమాన్లు, యామ తిరుపతి, ఏశ తిరుపతి, మంద శ్రీనివాస్, వేణు తదితరులు పాల్గొన్నారు.