Renikunta | రేణికుంట ప్రభుత్వ పాఠశాలలో 2004-05 టెన్త్‌బ్యాచ్‌ విద్యార్థుల ఆత్మీయ సమ్మేళనం

రేణికుంట ప్రభుత్వ ఉన్నత పాఠశాలలో 2004-05లో పదోతరగతి చదివిన పూర్వ విద్యార్థులు ఆదివారం ఆత్మీయ సమ్మేళనం నిర్వహించారు. తిమ్మాపూర్ మండలం కొత్తపల్లి గ్రామంలోని సాయిరాం గార్డెన్ లో పూర్వ విద్యార్థులు అంతా కలిశారు. 20 ఏళ్ల క్రితం విడిపోయిన విద్యార్థిని, విద్యార్థులు ఒకే చోట కలిసి తమ జ్ఞాపకాలను నెమరేసుకున్నారు.

Renikunta | తిమ్మాపూర్, జూన్29: రేణికుంట ప్రభుత్వ ఉన్నత పాఠశాలలో 2004-05లో పదోతరగతి చదివిన పూర్వ విద్యార్థులు ఆదివారం ఆత్మీయ సమ్మేళనం నిర్వహించారు. తిమ్మాపూర్ మండలం కొత్తపల్లి గ్రామంలోని సాయిరాం గార్డెన్ లో పూర్వ విద్యార్థులు అంతా కలిశారు. 20 ఏళ్ల క్రితం విడిపోయిన విద్యార్థిని, విద్యార్థులు ఒకే చోట కలిసి తమ జ్ఞాపకాలను నెమరేసుకున్నారు. ఎక్కడెక్కడో స్థిరపడిన వారంతా 20సంవత్సరాల తర్వాత కలుసుకొని ఒకరికొకరు పలకరించుకొని వారి జీవన స్థితిగతులు పంచుకొని రోజంతా గడిపారు. ఉపాధ్యాయులకు పుష్పగుచ్ఛాలుఅందచేస్తూ వేదికపైకి సగౌవరంగా తీసుకెళ్లారు.

అనంతరం ఉపాధ్యాయులు మాట్లాడుతూ ఆత్మీయ సమ్మేళనం నిర్వహించడం చాలా ఆనందంగా ఉందని తెలిపారు. ఈ కార్యక్రమానికి ముఖ్య అతిథులుగా విచ్చేసిన ఉపాధ్యాయులను పూలమాలలు, శాలువాలతో సన్మానించి, మెమంటోలతో ఘనంగా సత్కరించారు. అంతకుముందు విద్యబుద్ధులు నేర్పిన ఇద్దరు గురువులు, విద్యను అభ్యసించిన ముగ్గురు మిత్రులు అకాల మరణం చెందడంతో వారి ఆత్మకు శాంతి కలగాలని మౌనం పాటించి, నివాళులర్పించారు. ఈ కార్యక్రమంలో పూర్వ ఉపాధ్యాయులు శ్రీనివాస్, దేవేందర్ రెడ్డి, బాపురెడ్డి, రాయమల్లు, భరత్ రెడ్డి, పద్మజా, సునీత, పూర్వ విద్యార్థిని, విద్యార్థులు పాల్గొన్నారు.