F-16 Fighter Jet: ద‌క్షిణ కొరియా తీరం వ‌ద్ద కూలిన ఎఫ్‌-16 ఫైట‌ర్ జెట్‌

F-16 fighter jet: అమెరికా యుద్ధ విమానం ఎఫ్‌-16.. ద‌క్షిణ కొరియా తీరం వ‌ద్ద కూలింది. ఈ ప్ర‌మాదం నుంచి ఆ విమాన పైలెట్ సుర‌క్షితంగా బ‌య‌ట‌ప‌డ్డారు. కేవ‌లం నెల‌న్న‌ర వ్య‌వ‌ధిలోనే కొరియా తీరంలో ఎఫ్‌-16 యుద్ధ విమానం కూల‌డం ఇది రెండ‌వ ఘ‌ట‌న‌.

సియోల్‌: అమెరికా యుద్ధ విమానం ఎఫ్‌-16(F-16 Fighter Jet).. ద‌క్షిణ కొరియా తీరం వ‌ద్ద కూలింది. అయితే ఈ ప్ర‌మాదం నుంచి ఆ విమాన పైలెట్ సుర‌క్షితంగా బ‌య‌ట‌ప‌డ్డారు. కేవ‌లం నెల‌న్న‌ర వ్య‌వ‌ధిలోనే కొరియా తీరంలో ఎఫ్‌-16 యుద్ధ విమానం కూల‌డం ఇది రెండ‌వ ఘ‌ట‌న‌. గ‌త ఏడాది డిసెంబ‌ర్‌లో కూడా ఓ యుద్ధ విమానం ఇక్క‌డే కూలింది. 8వ ఫైట‌ర్ వింగ్‌కు చెందిన ఎఫ్‌-16 ఫైటింగ్ ఫాల్క‌న్ గాలిలో ఉన్న‌ప్పుడు ఎమ‌ర్జెన్సీని లోనైంద‌ని, ఆ త‌ర్వాత ఆ విమానం స‌ముద్రంలో కూలిన‌ట్లు అమెరికా వైమానిక ద‌ళం ఓ ప్ర‌క‌ట‌న‌లో తెలిపింది. విమానం కూలుతున్న స‌మ‌యంలో పైలెట్ సుర‌క్షితంగా బ‌య‌ట‌కు వ‌చ్చాడు.ద‌క్షిణ కొరియాలో ఉన్న గున్‌స‌న్ సిటీ బేస్‌ను అమెరికా మిలిట‌రీ కొన్నాళ్ల నుంచి వాడుకుంటోంది. ఈ ప్ర‌మాదానికి దారి తీసిన ప‌రిస్థితుల‌పై ద‌ర్యాప్తు చేప‌డుతున్న‌ట్లు ఎయిర్‌ఫోర్స్ వెల్ల‌డించింది. పైలెట్‌ను త్వ‌ర‌గా ర‌క్షించిన కొరియా రిప‌బ్లిక్ ద‌ళాల‌కు, త‌మ బృందానికి థ్యాంక్స్ చెబుతున్న‌ట్లు ఎయిర్‌ఫోర్స్ అధికారి తెలిపారు.