Imran Khan | ఇమ్రాన్‌ అరెస్టు చట్టవిరుద్ధం.. దేశాన్ని జైలుగా మారనివ్వబోం..! : పాక్‌ సుప్రీంకోర్టు

Imran Khan | పాకిస్థాన్‌ మాజీ ప్రధాని ఇమ్రాన్‌ అరెస్ట్‌ చట్టవిరుద్ధమని, దేశాన్ని జైలుగా మార్చేందుకు అనుమతించలేమని ఆ దేశ సుప్రీంకోర్టు స్పష్టం చేసింది. అల్‌ ఖదీర్‌ ట్రస్ట్‌ కేసులో మంగళవారం ఆర్మీ రేంజర్లు అరెస్టు చేసిన విషయం తెలిసిందే.

Imran Khan | పాకిస్థాన్‌ మాజీ ప్రధాని ఇమ్రాన్‌ అరెస్ట్‌ చట్టవిరుద్ధమని, దేశాన్ని జైలుగా మార్చేందుకు అనుమతించలేమని ఆ దేశ సుప్రీంకోర్టు స్పష్టం చేసింది. అల్‌ ఖదీర్‌ ట్రస్ట్‌ కేసులో మంగళవారం ఆర్మీ రేంజర్లు అరెస్టు చేసిన విషయం తెలిసిందే. అల్‌ ఖదీర్‌ ట్రస్ట్‌ కేసులో మంగళవారం ఆర్మీ రేంజర్లు అరెస్టు చేసిన విషయం తెలిసిందే. మరో వైపు మాజీ విదేశాంగ మంత్రి, ఇమ్రాన్‌ సన్నిహితుడు హమ్మద్‌ ఖురేషిని పోలీసులు గురువారం అరెస్టు చేశారు. అయితే, ప్రత్యేక కోర్టు బుధవారం ఇమ్రాన్‌ను నాబ్‌ (నేషనల్ అకౌంటబిలిటీ బ్యూరో) కస్టడీకి ఇచ్చిన విషయం తెలిసిందే. అరెస్టుకు నిరసనగా పాక్‌లో నిరసనలు కొనసాగుతున్నాయి. ఇస్లామాబాద్‌తో పాటు మూడు ప్రావిన్సులలో ప్రభుత్వ సైన్యాన్ని మోహరించింది.

మరో వైపు మాజీ ప్రధాని, పీటీఐ చైర్మన్‌ ఇమ్రాన్‌ను సాయంత్రం 4.30 గంటల్లోగా హాజరుపరచాలని ఇస్లామాబాద్‌ ఐజీని సుప్రీంకోర్టు గురువారం ఆదేశించింది. ఈ క్రమంలో కోర్టులో ఆయనను హాజరుపరిచింది. హైకోర్టు ప్రాంగణంలో ఇమ్రాన్‌ను అరెస్టు చేయడం దేశంలోని న్యాయవ్యవస్థను అవమానించడమేనని పాక్‌ సుప్రీంకోర్టు ప్రధాన న్యాయమూర్తి ఉమర్‌ అటా బండియల్‌ పేర్కొన్నారు. ఇమ్రాన్ ఖాన్ అరెస్టును సవాల్ చేస్తూ పీటీఐ దాఖలు చేసిన పిటిషన్‌పై విచారణ జరిపిన త్రిసభ్య ధర్మాసనంలో సీజేపీ ఈ వ్యాఖ్యలు చేశారు.

ఈ కేసులో తీర్పును రిజర్వ్‌ చేసింది. విచారణ సందర్భంగా ఇమ్రాన్‌ అరెస్ట్‌ చట్టవిరుద్ధమంటూ, భవిష్యత్‌కు ఆదర్శంగా నిలవాల్సిన సమయం ఆసన్నమైందన కోర్టు.. పాక్‌ను జైలుగా మార్చేందుకు అనుమతించబోమని కోర్టు పేర్కొంది. మరో వైపు ఇమ్రాన్‌కు మద్దతుగా పాక్‌లో నిరసనలు కొనసాగుతున్నాయి. దాంతో పాటు పలుదేశాల్లోనూ మద్దతుదారులు అరెస్టును నిరసిస్తూ నిరసనలు చేపట్టారు. ఇందుకు సంబంధించిన ఆందోళన వీడియోలను పీటీఐ ట్విట్టర్‌లో పోస్ట్‌ చేసింది.

ఈ సందర్భంగా పాక్‌ మంత్రి బిలావల్‌ భుట్టో జర్దారీ స్పందిస్తూ ఏ రాజకీయ పార్టీని నిషేధించేందుకు తాను ఇష్టనపడనని, అలాంటి నిర్ణయాన్ని అంగీకరించే వ్యక్తుల్లో తాను చివరి వ్యక్తిని తానేనని పేర్కొన్నారు. పీటీఐ రాజకీయ పార్టీగా తన హోదాను కొనసాగించడం ముఖ్యమని, ఉగ్రవాదానికి మద్దతు ఇచ్చే గ్రూప్‌గా మారొద్దని సూచించారు. పార్టీని దేశంలో సాయుధ తిరుగుబాటు చేయాలని పీటీఐ నిర్ణయించుకుంటే.. ఆ పార్టీని ప్రభుత్వం నిషేధించాల్సిన అవసరం ఉందన్నారు.

 

دنیا بھر میں مقیم پاکستانیوں کا عمران خان کے اغواء کے خلاف بھرپور احتجاج جاری۔ #IamImranKhan pic.twitter.com/y0Kvt1Hsmy

— PTI (@PTIofficial) May 11, 2023