Susan Coyle: ఆస్ట్రేలియా ఆర్మీ చీఫ్‌గా మ‌హిళ‌.. ప్ర‌క‌టించిన ప్ర‌ధాని అల్బ‌నీస్‌

Susan Coyle : ఆస్ట్రేలియా కొత్త చ‌రిత్ర లిఖించ‌నున్న‌ది. తొలిసారి ఓ మ‌హిళ ఆ దేశ ఆర్మీ చీఫ్‌గా బాధ్య‌త‌లు చేప‌ట్ట‌నున్నారు. ఆర్మీ చీఫ్‌గా సుసాన్ కోయిలీ నియ‌మితుల‌య్యారు. ఆస్ట్రేలియా ప్ర‌ధాని ఆంథోనీ ఆల్బ‌నీస్ ఈ ప్ర‌క‌ట‌న చేశారు.

క్యాన్‌బెరా: ఆస్ట్రేలియా కొత్త చ‌రిత్ర లిఖించ‌నున్న‌ది. తొలిసారి ఓ మ‌హిళా ఆ దేశ ఆర్మీకి చీఫ్‌గా బాధ్య‌త‌లు స్వీక‌రించ‌నున్నారు. సుసాన్ కోయిలీ(Susan Coyle)ని ఆర్మీ చీఫ్‌గా నియ‌మించారు. ఆస్ట్రేలియా స‌ర్కారు ఈ నిర్ణ‌యాన్ని ప్ర‌క‌టించింది. 125 ఏళ్ల ఆసీస్ చ‌రిత్ర‌లో.. ఆర్మీకి తొలిసారి ఓ మ‌హిళ అత్యున్న‌త ప‌ద‌విలో కొన‌సాగ‌నున్న‌ది. జూలైలో ఆమె బాధ్య‌త‌లు స్వీక‌రించ‌నున్నారు. ప్ర‌స్తుతం సుసాన్ కొయిలీ లెఫ్టినెంట్ జ‌న‌ర‌ల్ గా ఉన్నారు. లెఫ్టినెంట్ జ‌న‌ర‌ల్ సైమ‌న్ స్టువార్ట్ స్థానంలో ఆమె త‌న కొత్త బాధ్య‌త‌లు స్వీక‌రిస్తారు. 1987లో ఆర్మీ రిజ‌ర్వ్స్‌లో ఆమె ఉద్యోగంలో చేరారు. క‌మాండ్ పాత్ర‌లో ఆమె ఎన్నో మిష‌న్స్ చేప‌ట్టారు. ఆఫ్ఘ‌నిస్తాన్‌, ప‌శ్చిమాసియాలో ఆమె విధులు నిర్వ‌ర్తించారు. కొత్త మిలిట‌రీ చీఫ్‌పై ఆస్ట్రేలియా ప్ర‌ధాని ఆంథోనీ అల్బ‌నీస్ ప్ర‌క‌ట‌న చేశారు. ఇది చ‌రిత్రాత్మ‌క సంద‌ర్భం అవుతుంద‌ని ర‌క్ష‌ణ మంత్రి రిచ‌ర్డ్ మార్ల్స్ పేర్కొన్నారు.