టెక్సాస్: అమెరికాలోని టెక్సాస్ (Texas) స్కూల్లో మరోసారి తుపాకీ కలకలం సృష్టించింది. ఉవాల్డేలోని రాబ్ ఎలిమెంటరీ స్కూల్లో 18 ఏండ్ల యువకుడు మారణహోమం సృష్టించి 24 గంటలు గడువక ముందే మరొకరు తుపాకీతో పట్టుబడ్డాడు. టెక్సాస్లోని రిచర్డ్సన్ స్కూల్లో ఓ హైస్కూల్ విద్యార్థి తుపాకీతో తిరుగుతుండగా పోలీసులు బుధవారం అరెస్టు చేశారు. ప్రస్తుతం అతడిని విచారిస్తున్నామని అధికారులు వెల్లడించారు. అయితే అతడు ఎలాంటి ఘాతుకానికి పాల్పడక ముందే పోలీసులు అదుపులోకి తీసుకోవడంతో అంతా ఊపిరిపీల్చుకున్నారు.
మంగళవారం ఉదయం 11.30 గంటల సమయంలో ఉవాల్డేలోని రాబ్ ఎలిమెంటరీ స్కూల్లో సాల్వడోర్ రామోస్ అనే 18 ఏండ్ల యువకుడు ఉన్మాదానికి పాల్పడిన విషయం తెలిసిందే. మంగళవారం తన పుట్టినరోజు సందర్భంగా తుపాకీ కొనుగోలు చేసిన రామోస్.. ముందు తన నానమ్మను కాల్చి చంపాడు. అనంతరం రాబ్ స్కూల్కు వెళ్లి అక్కడ విచక్షణా రహితంగా కాల్పులు జరిపాడు. దీంతో 21 మంది మరణించారు. వారిలో 19 మంది విద్యార్థులు, ఇద్దరు ఉపాధ్యాయులు ఉన్నారు. అయితే పోలీసుల కాల్పుల్లో అతడు హతమైన విషయం విధితమే.