Shooting in Copenhagen | కొపెన్‌హ‌గ్ మాల్‌లో కాల్పులు.. ప‌లువురికి గాయాలు!

Shooting in Copenhagen | డెన్మార్క్‌లోని కొపెన్‌హ‌గెన్‌లో మాల్‌లో ఆదివారం జ‌రిగిన కాల్పుల్లో ప‌లువురికి గాయాలయ్యాయి.

Shooting in Copenhagen | డెన్మార్క్‌లోని కొపెన్‌హ‌గ్ షాపింగ్‌మాల్‌లో ఆదివారం కాల్పులు జ‌రిగాయి. అమాజిర్ జిల్లాలోని సిటీ సెంట‌ర్‌, విమానాశ్ర‌యం మ‌ధ్య గ‌ల ఫీల్డ్స్ మాల్‌లో ఈ కాల్పుల ఘ‌ట‌న జ‌రిగింద‌ని కొపెన్‌హ‌గ్‌ పోలీసులు తెలిపారు. తాము ఘ‌ట‌నా స్థ‌లంలోనే ఉన్నామ‌ని, ప‌లువురు వ్య‌క్తుల‌కు గాయాల‌య్యాయ‌ని ట్విట్ట‌ర్ వేదిక‌గా కొపెన్‌హ‌గ్ పోలీసులు తెలిపారు. ఈ ప్రాంతంలో భారీగా పోలీసుల‌ను మోహ‌రించారు.

తొలి కాల్పులు వినిపించిన‌ప్పుడు మాల్ ఎగ్జిట్ ద్వారం వైపు 100 మందికి పైగా ప‌రుగులు తీశార‌ని ప్ర‌త్య‌క్ష‌సాక్షులు చెప్పారు. ఈ మాల్ లోప‌ల ఉన్న వారు లోప‌లే వేచి ఉండాల‌ని పోలీసులు సూచించారు. మిగ‌తా వారు ఈ ప్రాంతానికి దూరంగా ఉండాల‌ని హిత‌వు చెప్పారు.

ఈ కాల్పుల ఘ‌ట‌న‌తో సంబంధం ఉన్న ఒక అనుమానితుడ్ని పోలీసులు అరెస్ట్ చేశారు. ఫీల్డ్స్ షాపింగ్ మాల్ వ‌ద్ద కాల్పుల ఘ‌ట‌న‌తో సంబంధం ఉన్న వ్య‌క్తి వివ‌రాల‌ను ఇప్ప‌టికైతే వెల్ల‌డించ‌లేం అని కొపెన్‌హ‌గ్ పోలీసులు ట్విట్ట‌ర్‌లో పోస్ట్ చేశారు.