న్యూఢిల్లీ, ఆగస్టు 5: ఉక్రెయిన్పై రష్యా దండయాత్ర మొదలుపెట్టినప్పటి నుంచీ ఆ దేశాధ్యక్షుడు వ్లాదిమిర్ పుతిన్ గురించి రోజుకోవార్త హల్చల్ చేస్తున్నది. మొదట ఆయన రహస్య ప్రేయసి అంటూ కొన్ని ఫొటోలు బయటకొచ్చాయి. ఆ తర్వాత పుతిన్ తీవ్ర అనారోగ్యంతో బాధపడుతున్నారని ప్రచారం జరిగింది.
తాజాగా పుతిన్ అచ్చం తనలాగే ఉండే మరో వ్యక్తిని డూప్గా పెట్టుకొని కార్యక్రమాలు నిర్వహిస్తున్నారని ఉక్రెయిన్ రక్షణ నిఘా విభాగం చీఫ్ మేజర్ జనరల్ కిరిలో బుడనోవ్ సంచలన ప్రకటన చేశారు. ఓ టీవీ చానల్లో ఆయన రష్యా అధ్యక్షుడి పాత, కొత్త ఫొటోల మధ్య ఉన్న వ్యత్యాసాలను చూపించారు. వేలిముద్రల లాగే ప్రతి వ్యక్తి చెవి ఆకారం ప్రత్యేకంగా ఉంటుందని, పుతిన్ పాత, కొత్త ఫొటోల్లోని చెవుల ఆకారంలో తేడాలున్నాయని తెలిపారు.