Gangster Amarpreet: కెన‌డాలో పంజాబీ మూలాలు ఉన్న గ్యాంగ్‌స్ట‌ర్ కాల్చివేత‌

Gangster Amarpreet: గ్యాంగ్‌స్ట‌ర్ అమ‌ర్‌ప్రీత్‌ను కెన‌డాలో గుర్తు తెలియ‌ని వ్య‌క్తులు కాల్చి చంపారు. వాంకోవ‌ర్ సిటీలో ఓ వెడ్డింగ్ రిసెఫ్ష‌న్‌కు వెళ్లిన అత‌నిపై అటాక్ చేశారు. ఈ ఘ‌ట‌న‌లో పోలీసులు ద‌ర్యాప్తు మొద‌లుపెట్టారు. గ్యాంగ్ వార్ వ‌ల్లే ఈ కాల్పుల ఘ‌ట‌న జ‌రిగి ఉంటుంద‌ని భావిస్తున్నారు.

ఒట్టావా: కెన‌డాలో పంజాబీ మూలాలు ఉన్న‌గ్యాంగ్‌స్ట‌ర్‌(Gangster)ను ఓ వెడ్డింగ్ రిసెప్ష‌న్‌లో గుర్తు తెలియ‌ని వ్య‌క్తులు కాల్చి చంపారు. ఈ ఘ‌ట‌న వాంకోవ‌ర్ సిటీలో జ‌రిగింది. గ్యాంగ్ వార్ వ‌ల్లే ఈ కాల్పుల ఘ‌ట‌న జ‌రిగిన‌ట్లు అనుమానిస్తున్నారు. కెన‌డా పోలీసులు వాంటెడ్ జాబితాలో ఆ 28 ఏళ్ల వ్య‌క్తి ఉన్నాడు. గ్యాంగ్‌స్ట‌ర్ అమ‌ర్‌ప్రీత్ స‌మ్రా(Amarpreet Samra)ను ఫ్రేజ‌ర్ స్ట్రీట్ వ‌ద్ద షూట్ చేశారు. స‌మ్రాతో పాటు ఆయ‌న సోద‌రుడు ర‌వీంద‌ర్ కూడా గ్యాంగ్‌స్ట‌రే. ఆ ఇద్ద‌రికీ వెడ్డింగ్ రిసెప్ష‌న్ ఆహ్వానం ఉంది. యూఎన్ గ్యాంగ్‌తో వాళ్ల‌కు లింకులు ఉన్నాయి.

గుర్తు తెలియ‌ని కొంద‌రు వ్య‌క్తులు హాల్‌లోకి వ‌చ్చి డీజీ మ్యూజిక్ ఆపేయాల‌ని కోరారని, ఆ స‌మ‌యంలో వేదిక వ‌ద్ద సుమారు 60 మంది అతిథులు ఉన్న‌ట్లు తెలుస్తోంది. సౌత్ వాంకోవ‌ర్ బాంకెట్ హాల్ స‌మీపంలో ఓ వ్య‌క్తిని కాల్చివేసిన‌ట్లు పోలీసుల‌కు స‌మాచారం వెళ్లింది. పెట్రోలింగ్ ఆఫీస‌ర్లు సీపీఆర్ చేసినా తీవ్ర ర‌క్త‌స్రావం వ‌ల్ల ఆ వ్య‌క్తి ప్రాణాలు కోల్పోయాడు.

త‌మ ప్రాంతంలో జ‌రుగుతున్న కాల్పుల ఘ‌ట‌న‌కు ఆ గ్యాంగ్‌స్ట‌ర్‌తో లింకు ఉన్న‌ట్లు బ్రిటీష్ కొలంబియా పోలీసులు వెల్ల‌డించారు.