ప్రభుత్వ వెబ్‌సైట్ల నుంచి సమాచారం చోరీ.. ఓపెన్‌ఏఐ ఏజెంట్ల చర్య

అత్యాధునిక ఏఐ ఏజెంట్లు సైబర్‌ దాడులకు పాల్పడటం చర్చనీయాంశమైంది. తాజాగా ఓపెన్‌ఏఐ ఏఐ ఏజెంట్లు, ఏఐ బాట్స్‌ అమెరికా ప్రభుత్వానికి చెందిన పలు వెబ్‌సైట్లలోకి ప్రవేశించి సమాచారాన్ని సేకరించాయి.

వాషింగ్టన్‌: అత్యాధునిక ఏఐ ఏజెంట్లు సైబర్‌ దాడులకు పాల్పడటం చర్చనీయాంశమైంది. తాజాగా ఓపెన్‌ఏఐ ఏఐ ఏజెంట్లు, ఏఐ బాట్స్‌ అమెరికా ప్రభుత్వానికి చెందిన పలు వెబ్‌సైట్లలోకి ప్రవేశించి సమాచారాన్ని సేకరించాయి. జనగణన బ్యూరో, సెక్యూరిటీస్‌ అండ్‌ ఎక్సేంజ్‌ కమిషన్‌తో పాటు పలు ప్రభుత్వ సంస్థల వెబ్‌సైట్లలో సమాచారాన్ని తమ ఏఐ మాడళ్లు యాక్సెస్‌ చేసుకొన్నాయని ఓపెన్‌ఏఐ తెలిపింది.

తమ ఏఐ బాట్స్‌ వల్ల ప్రభావితమైన వెబ్‌సైట్లు, ఆన్‌లైన్‌ సెంటర్లు, యూనివర్సిటీలు తదితర సంస్థలను గుర్తించి అప్రమత్తం చేసినట్టు వెల్లడించింది. ఓపెన్‌ఏఐ సీఈవో ఆల్ట్‌మన్‌ స్పందిస్తూ.. ‘సమస్య పరిష్కారంలో ఆశించినంత వేగంగా పని చేయలేకపోతున్నాం. మా ఏఐ ఏజెంట్లు ప్రభావానికి గురైన సంస్థలతో కలిసి సమస్యను పరిష్కరించేందుకు చర్యలు తీసుకొంటున్నాం’ అని ఎక్స్‌లో ట్వీట్‌ చేశారు.