Harald V: నార్వే కింగ్ హ‌రాల్డ్ క‌న్నుమూత

King Harald V : నార్వే దేశ రాజు హ‌రాల్డ్ క‌న్నుమూశారు. ఆయ‌న వ‌య‌సు 89 ఏళ్లు. అయిదో హరాల్డ్ చ‌క్ర‌వ‌ర్తి క‌న్నుమూసిన‌ట్లు రాయ‌ల్ ప్యాలెస్ శుక్ర‌వారం ప్ర‌క‌ట‌న చేసింది. నార్వే రాజ‌ధాని ఓస్లోలో ఆయ‌న శాంతియుతంగా ప్రాణాలు విడిచిన‌ట్లు ప్యాలెస్ త‌న ప్ర‌క‌ట‌న‌లో పేర్కొన్న‌ది.

ఓస్లో: నార్వే దేశ రాజు హ‌రాల్డ్(Harald V) క‌న్నుమూశారు. ఆయ‌న వ‌య‌సు 89 ఏళ్లు. అయిదో హెరాల్డ్ చ‌క్ర‌వ‌ర్తి క‌న్నుమూసిన‌ట్లు రాయ‌ల్ ప్యాలెస్ శుక్ర‌వారం ప్ర‌క‌ట‌న చేసింది. నార్వే రాజ‌ధాని ఓస్లోలో ఆయ‌న శాంతియుతంగా ప్రాణాలు విడిచిన‌ట్లు ప్యాలెస్ త‌న ప్ర‌క‌ట‌న‌లో పేర్కొన్న‌ది. ర‌క్త సంబంధిత వ్యాధితో బాధ‌ప‌డుతున్న కింగ్ హ‌రాల్డ్‌ను ఆగ‌స్టు 17వ తేదీన ఆస్ప‌త్రిలో చేర్పించారు. అయితే చికిత్స స‌మ‌యంలో ఆయ‌న ఆరోగ్యం మ‌రింత క్షీణించింది. ఆయ‌న ఆరోగ్యం చాలా సీరియ‌స్‌గా ఉన్న‌ట్లు తెలిపారు. అయితే నార్వే కిరీటాన్ని ఇప్పుడు హ‌రాల్డ్ కుమారుడిని వ‌రించ‌నున్న‌ది. 53 ఏళ్ల హాక‌న్‌-8 నార్వే రాజుగా బాధ్య‌త‌లు చేప‌డుతారు. దివంగ‌త హ‌రాల్డ్ చ‌క్ర‌వ‌ర్తి.. నార్వేలో చాలా పాపుల‌ర్‌. రాచ‌రిక వ్య‌వ‌స్థ‌ను ఆయ‌న ఆధునీక‌రించిన‌ట్లు పేరున్న‌ది. ఓ సాధార‌ణ మ‌హిళ‌ను ఆయ‌న పెళ్లి చేసుకున్నారు. రాయ‌ల్ కుటుంబం ఖ‌ర్చుల అంశంలోనూ ఆయ‌న పార‌ద‌ర్శ‌కంగా వ్య‌వ‌హ‌రించారు. కానీ కింగ్ హ‌రాల్డ్ కుటుంబీకులు స్కామ్‌ల్లో ఇరుక్కున్నారు.