న్యూయార్క్ : అమెరికాలోని ఫిలడెల్ఫియాలో ఓ బార్ వెలుపల దుండగులు కాల్పులు జరిపిన ఘటనలో 9 మందికి గాయాలయ్యాయి. కాల్పులు జరిగిన ప్రాంతాన్ని పోలీసులు స్వాధీనం చేసుకున్నారు. పలువురు షూటర్లు కాల్పులకు తెగబడినట్టు పోలీసులు అనుమానిస్తున్నారు. బ్లాక్ కారులో నుంచి దుండగులు నడిరోడ్డుపై వెళుతున్న జనంపై కాల్పులు జరిపారని ప్రాధమిక దర్యాప్తులో వెల్లడైనట్టు సమాచారం.
దుండగులు 40 రౌండ్లు కాల్పులు జరిపారని ఓ వార్తా ఛానెల్ వెల్లడించింది. క్షతగాత్రులను సమీప ఆస్పత్రికి తరలించి చికిత్స అందిస్తున్నారు. వీరిలో ఏడుగురి పరిస్ధితి నిలకడగా ఉండగా ఇద్దరి ఆరోగ్య పరిస్ధితి విషమంగా ఉందని అధికారులు తెలిపారు. ఈ ఘటనకు సంబంధించి పూర్తి వివరాలు వెల్లడి కావాల్సి ఉంది.