పుతిన్ అస‌లు ర‌ష్యా పౌరుడే కాదు.. ప్ర‌తిప‌క్ష నేత సంచ‌ల‌న ఆరోప‌ణ‌

ర‌ష్యా అధ్య‌క్షుడు పుతిన్‌పై ఆ దేశ ప్ర‌తిప‌క్ష నేత ఎలెక్సీ నెవెల‌నీ మ‌రోసారి తీవ్రంగా విరుచుకుప‌డ్డారు. పుతిన్ అస‌లు ర‌ష్యా పౌరుడే కాదంటూ సంచ‌ల‌న ఆరోప‌ణ‌లు చేశారు. ప్ర‌స్తుత ప‌రిస్థితుల‌ను చూస్తూ తాను ఎంత మాత్రం మౌనంగా ఉండ‌లేన‌ని అన్నారు. గ‌త చ‌రిత్రను ప‌ట్టుకు వేలాడుతూ.. ఉక్రెయిన్ ప్ర‌జ‌ల‌ను చంపుతున్నార‌ని ఆయ‌న తీవ్రంగా మండిప‌డ్డారు. భ‌య‌భ్రాంతులున్న ప్ర‌జ‌లుగా మ‌నం మ‌న జీవితాల‌ను కొన‌సాగించ‌కూడ‌ద‌ని ఆయ‌న కోరారు. తాను కూడా సోవియ‌ట్ యూనియ‌న్ నుంచి వ‌చ్చిన‌వాడినేన‌ని, శాంతి, సామ‌రస్యం కోసం అంద‌రూ పాటుప‌డాల‌ని ఎలెక్సీ పిలుపునిచ్చారు.

ర‌ష్యాలోని ప్ర‌ధాన కూడ‌ళ్ల‌లోనే కాకుండా, ప్ర‌పంచం ఏ మూల‌కు వెళ్లినా… యుద్ధాన్ని వ్య‌తిరేకిస్తూనే వుండాల‌ని ఆయ‌న ర‌ష్యా ప్ర‌జ‌ల‌కు సూచించారు. ఒక‌వేళ ర‌ష్యన్ ప్ర‌జ‌లు ఎవ‌రైనా విదేశాల్లో వుంటే.. అక్క‌డి ర‌ష్యా రాయ‌బార కార్యాల‌యాల ముందు నిర‌స‌న ప్ర‌ద‌ర్శ‌న‌లు నిర్వ‌హించాల‌ని ఆయ‌న పిలుపునిచ్చారు. ప్ర‌జ‌లంద‌రూ త‌మ భ‌యాన్ని వీడి, యుద్ధానికి వ్య‌తిరేకంగా నిర‌స‌న‌లు చేయాల‌ని ఆయ‌న సూచించారు. యుద్ధానికి వ్య‌తిరేకంగా మాట్లాడ‌డ‌మే కాద‌ని, యుద్ధానికి వ్య‌తిరేకంగా ఓ ఉద్య‌మ‌మే చేయాల‌ని ర‌ష్యా ప్ర‌తిప‌క్ష నేత ఎలెక్సీ నెవెల‌నీ పేర్కొన్నారు.