బ్రిటన్‌లో లాక్‌డౌన్‌కు వ్యతిరేకంగా నిరసనలు.. పలువురు అరెస్ట్‌

లండన్‌: బ్రిటన్‌లోని బ్రిస్టల్ నగరంలో లాక్‌డౌన్‌కు వ్యతిరేకంగా మంగళవారం రాత్రి వందలాది ప్రజలు రోడ్లపైకి వచ్చి నిరసనకు దిగారు. లాక్‌డౌన్‌ వ్యతిరేక నిరసనలను అణగదొక్కేందుకు పోలీసులకు కొత్త అధికారులు కట్టబెట్టిన ‘కిల్‌ ద బిల్‌’కు వ్యతిరేకంగా నినాదాలు చేశారు. ఇటీవల ఇలాంటి నిరసనలు హింసకు దారితీయడంతో అవాన్, సోమర్సెట్ పోలీసులు అప్రమత్తమయ్యారు. హార్స్‌, డాగ్‌ స్క్వాడ్స్‌తోపాటు భారీగా పోలీసులను మోహరించారు. కరోనా నిబంధనలను ఉల్లంఘిస్తూ నిర్వహిస్తున్న నిరసనను విరమించాలని ఆందోళనకారులకు నచ్చజెప్పేందుకు ప్రయత్నించారు. మాట వినని సుమారు 14 మందిని అరెస్ట్ చేశారు.