Missile Attack: 80 మిస్సైళ్ల‌తో అటాక్‌.. ఉక్రెయిన్ ఉక్కిరిబిక్కిరి

Missile Attack:ర‌ష్యా మ‌ళ్లీ పురివిప్పింది. ఉక్రెయిన్‌పై దాడి చేసి ఏడాది పూర్తై రెండు వారాలు కాక‌ముందే విరుచుకుప‌డింది. గ‌త రాత్రి నుంచి సుమారు 80కిపైగా మిస్సైళ్ల‌తో ర‌ష్యా అటాక్ చేసింది.

కీవ్‌: ర‌ష్యా(Russia) మ‌ళ్లీ విరుచుకుప‌డింది. దాదాపు 80 క్షిప‌ణుల‌(Missiles)తో తాజాగా దాడి చేసింది. చాలా గ్యాప్ త‌ర్వాత ఉక్రెయిన్‌(Ukraine)పై ర‌ష్యా పెను దాడి చేసింది. దీంతో ఆ దేశం ఉక్కిరిబిక్కిరైంది. రాత్రికి రాత్రే ఆ మిస్సైళ్ల‌ను వ‌దిలిన‌ట్లు తెలుస్తోంది. తాజాగా మిస్సైల్ అటాక్‌(Missile attack)లో 9 మంది మృతిచెందిన‌ట్లు తెలుస్తోంది. జ‌పొరిజియా న్యూక్లియ‌ర్ ప్లాంట్ వ‌ద్ద విద్యుత్తు స‌ర‌ఫ‌రా నిలిచిపోయింది.

తాజా దాడిలో ర‌ష్యా 8 డ్రోన్ల(drones) కూడా వాడిన‌ట్లు ఉక్రెయిన్ మిలిట‌రీ పేర్కొన్న‌ది. లివివ్(Lyiv) ప‌ట్ట‌ణంలో అయిదుగురు మృతిచెందారు. భారీ శిథిలాల కింద ప్ర‌జ‌లు చిక్కుకున్నారు. కీవ్‌(Kyiv)లోని వెస్ట్ర‌న్‌, స‌ద‌ర‌న్ జిల్లాల్లో ఎమ‌ర్జెన్సీ స‌ర్వీసులు ఊపందుకున్నాయి. కీవ్ ప‌ట్ట‌ణంలో కూడా విద్యుత్తు స‌ర‌ఫ‌రా లేదు.