న్యూఢిల్లీ : ఓ వ్యక్తి తృటిలో ప్రాణాపాయం నుంచి తప్పించుకున్న వీడియో (viral video) ప్రస్తుతం సోషల్ మీడియాలో తెగ వైరలవుతోంది. లాండ్రీ నుంచి ఓ వ్యక్తి తన దుస్తులను తీసుకుని బయటకు వెళ్లిన కొద్దినిమిషాలకే రూంలోని వాషింగ్ మెషీన్లలో ఒకటి పేలిపోయి మంటలు చెలరేగాయి. ఆ సమయంలో సదరు వ్యక్తి లోపలే ఉంటే అతడి ప్రాణాలు గాలిలో కలిసిపోయేవి.
Someone didn't check their pockets pic.twitter.com/MjpK5mPba7
— OnlyBangers (@OnlyBangersEth) April 2, 2023
ఓన్లీ బ్యాంగర్స్ ఈ వీడియోను ట్విట్టర్లో షేర్ చేయగా ఇప్పటివరకూ 40 లక్షల వ్యూస్ లభించాయి. ఈ వీడియోలో ఓ వ్యక్తి తన దుస్తులను ఉతుక్కుని డ్రై చేసుకున్న తర్వాత లాండ్రీ నుంచి బయటకు రావడం కనిపిస్తుంది. అతడు లాండ్రీ నుంచి బయటపడిన కొద్ది సెకండ్లకే ఓ వాషింగ్ మెషీన్ పేలిపోయి మంటలు వ్యాప్తించడం చూడొచ్చు.
పేలుడు భయంకరంగా ఉండటంతో ఆ సమయంలో అక్కడ ఎవరైనా ఉంటే తీవ్రంగా గాయపడే వారు. ఈ వీడియోను చూసిన నెటిజన్లు తలోరకంగా స్పందించారు. ప్రమాదం నుంచి ఆ వ్యక్తి సురక్షితంగా బయటపడటంతో ఊపిరిపీల్చుకున్నామని పలువురు కామెంట్ చేశారు. బ్యాటరీ సమస్యతోనే పేలుడు జరిగిఉంటుందని మరో యూజర్ సందేహం వ్యక్తం చేశారు. యాక్షన్ మూవీ ఓపెనింగ్ సీన్లా ఉందని మరో యూజర్ రాసుకొచ్చారు.
Read More