Israeli F-35: యాక్‌-130 ఫైట‌ర్ జెట్‌ను కూల్చిన ఎఫ్‌-35: ఐడీఎఫ్‌

Israeli F-35: టెహ్రాన్ గ‌గ‌న‌వీధిలో ఇరాన్ జెట్‌ను ఇజ్రాయ‌ల్ వైమానిక ద‌ళం కూల్చివేసింది. ఎఫ్‌-35 యుద్ధ విమానంతో యాక్‌-130 జెట్‌ను కూల్చివేసిన‌ట్లు ఇజ్రాయెల్ ప్ర‌క‌టించింది. 40 ఏళ్ల త‌ర్వాత యుద్ధంలో ఓ మాన‌వ‌స‌హిత విమానాన్ని కూల్చిన‌ట్లు ఇజ్రాయెల్ చెప్పింది.

టెల్ అవివ్‌: భీక‌ర రీతిలో ఇజ్రాయెల్ ఇవాళ మ‌ళ్లీ వైమానిక దాడుల‌కు పాల్ప‌డింది. ఇరాన్ రాజ‌ధాని టెహ్రాన్‌పై బాంబుల వ‌ర్షం కురిపించింది. అయితే ఇజ్రాయెల్ వైమానిక ద‌ళానికి చెందిన ఎఫ్‌-35ఐ యుద్ధ విమానం(Israeli F-35).. ఇవాళ టెహ్రాన్ గ‌గ‌న‌త‌లంలో యాక్‌-130 జెట్‌ను కూల్చివేసింది. కొన్ని క్ష‌ణాల క్రితం ర‌ష్యా త‌యారీకి చెందిన యాక్‌-130 జెట్‌ను కూల్చిన‌ట్లు ఐడీఎఫ్ వ‌ర్గాలు వెల్ల‌డించాయి. ఐడీఎఫ్ త‌న ఎక్స్ అకౌంట్‌లో ఈ విష‌యాన్ని వెల్ల‌డించింది.

ఎఫ్‌-35 యుద్ధ విమానం.. ర‌ణ‌రంగంలో ఓ మాన‌వస‌హిత విమానాన్ని కూల్చ‌డం ఇదే మొద‌టిసారి. అయితే గడిచిన 40 ఏళ్ల‌లో తొలిసారి ఇజ్రాయెల్ వైమానిక ద‌ళాలు మాన‌వ‌స‌హిత ఎయిర్-టు ఎయిర్- కంబాట్‌లో పాల్గొన్నాయి. 1985 న‌వంబ‌ర్ 24వ తేదీన చివరిసారి ఇజ్రాయెల్ వైమానిక ద‌ళం లెబ‌నాన్ గ‌గ‌న‌త‌లంలో శ‌త్రు విమానాన్ని కూల్చివేసింది. ఆ స‌మ‌యంలో సిరియాకు చెందిన మిగ్‌-23 ఫైట‌ర్ విమానాల‌ను ఐఏఎఫ్ ఎఫ్‌-15 నేల‌కూల్చింది.

🛩️IRANIAN JET SHOT DOWN: An IAF F-35I “Adir” fighter jet shot down an Iranian Air Force YAK-130 fighter jet.

This is the first shootdown in history of a manned fighter aircraft by an F-35 “Adir” fighter jet.

— Israel Defense Forces (@IDF) March 4, 2026