క్లాడ్‌ సాయంతో అమెరికా యుద్ధ నౌకలపై నిఘా.. ఏఐని ఉపయోగిస్తున్న ఇరాన్‌

అమెరికా నౌకాదళానికి సంబంధించిన సమాచారాన్ని సేకరించడానికి, వాటి కదలికలను పర్యవేక్షించడానికి, సైనిక దాడులు లక్ష్యంగా చేసుకోవడానికి ఉపయోగపడే సమాచారాన్ని రూపొందించడానికి ఇరాన్‌ అనుబంధ సంస్థ ఒకటి ఆంత్రోపిక్‌ సంస్థకు చెందిన క్లాడ్‌ అనే కృత్రిమ మేధ(ఏఐ) మోడల్‌ను ఉపయోగించిందని ఆ సంస్థ వెల్లడించిన తాజా నివేదిక పేర్కొంది.

న్యూఢిల్లీ, సెప్టెంబర్‌ 11 : అమెరికా నౌకాదళానికి సంబంధించిన సమాచారాన్ని సేకరించడానికి, వాటి కదలికలను పర్యవేక్షించడానికి, సైనిక దాడులు లక్ష్యంగా చేసుకోవడానికి ఉపయోగపడే సమాచారాన్ని రూపొందించడానికి ఇరాన్‌ అనుబంధ సంస్థ ఒకటి ఆంత్రోపిక్‌ సంస్థకు చెందిన క్లాడ్‌ అనే కృత్రిమ మేధ(ఏఐ) మోడల్‌ను ఉపయోగించిందని ఆ సంస్థ వెల్లడించిన తాజా నివేదిక పేర్కొంది. ఇరాన్‌, యెమెన్‌, చైనా, రష్యాలో తమ ఏఐ మోడల్‌ను నిఘా సమాచార సేకరణ, ఆయుధాల అభివృద్ధి, సేకరణ వంటి కార్యకలాపాల కోసం వినియోగించిన ఆరు కార్యకలాపాలను గుర్తించి, వాటిని అడ్డుకున్నట్టు ఆంత్రోపిక్‌ తెలిపింది.

ఆ ప్రాంతంలోని అమెరికా నౌకాదళ ఆస్తులకు సంబంధించిన బహిరంగ సమాచారాన్ని సేకరించి, విశ్లేషించడానికి ఇరాన్‌తో సంబంధం ఉన్న ఒక వ్యవహారంలో నిర్వాహకులు క్లాడ్‌ను ఉపయోగించారు. అనంతరం నౌకాదళ స్థానాలను గుర్తించడం, వాటి కదలికలను పర్యవేక్షించడంలో సహాయపడే సమాచారంతో కూడిన టార్గెటింగ్‌ హ్యాండ్‌బుక్స్‌ రూపొందించారు.