Viral photo: ఇంట‌ర్నెట్ ఎక్స్‌ప్లోర‌ర్‌కు స‌మాధి.. తొలిత‌రం బ్రౌజ‌ర్‌కు ద‌క్షిణ కొరియ‌న్ అభిమాని నివాళి!!

ఇంట‌ర్నెట్ తొలిత‌రం బ్రౌజ‌ర్ ఇంట‌ర్నెట్ ఎక్సోప్లోర‌ర్ సేవ‌ల‌ను ఇటీవ‌లే సాఫ్ట్‌వేర్ దిగ్గ‌జం మైక్రోసాఫ్ట్ నిలిపివేసిన సంగ‌తి తెలిసిందే. గూగుల్ రంగ‌ప్ర‌వేశంతో ఇంట‌ర్నెట్ ఎక్స్‌ప్లోర‌ర్‌ను నెటిజ‌న్లు ప‌క్క‌కు ప‌డేశారు. దీంతో మ‌రుగున‌ప‌డిపోయింది. ఇంటర్నెట్ ఎక్సోప్లోర‌ర్ 1995లో అందుబాటులోకి వ‌చ్చింది. దాదాపు 27 సంవ‌త్స‌రాల‌పాటు సేవ‌లు అందించింది. కాగా, ఇంట‌ర్నెట్ ఎక్స్‌ప్లోర‌ర్‌తో ఉన్న అనుబంధాన్ని గుర్తుచేసుకుంటూ ఓ ద‌క్షిణ కొరియా వ్య‌క్తి భావోద్వేగానికి గుర‌య్యాడు. ఏకంగా దానికి స‌మాధి క‌ట్టి, నివాళి అర్పించాడు.

వాషింగ్టన్: ఇంట‌ర్నెట్ తొలిత‌రం బ్రౌజ‌ర్ ఇంట‌ర్నెట్ ఎక్సోప్లోర‌ర్ సేవ‌ల‌ను ఇటీవ‌లే సాఫ్ట్‌వేర్ దిగ్గ‌జం మైక్రోసాఫ్ట్ నిలిపివేసిన సంగ‌తి తెలిసిందే. గూగుల్ రంగ‌ప్ర‌వేశంతో ఇంట‌ర్నెట్ ఎక్స్‌ప్లోర‌ర్‌ను నెటిజ‌న్లు ప‌క్క‌కు ప‌డేశారు. దీంతో మ‌రుగున‌ప‌డిపోయింది. ఇంటర్నెట్ ఎక్సోప్లోర‌ర్ 1995లో అందుబాటులోకి వ‌చ్చింది. దాదాపు 27 సంవ‌త్స‌రాల‌పాటు సేవ‌లు అందించింది. కాగా, ఇంట‌ర్నెట్ ఎక్స్‌ప్లోర‌ర్‌తో ఉన్న అనుబంధాన్ని గుర్తుచేసుకుంటూ ఓ ద‌క్షిణ కొరియా వ్య‌క్తి భావోద్వేగానికి గుర‌య్యాడు. ఏకంగా దానికి స‌మాధి క‌ట్టి, నివాళి అర్పించాడు.

ఇంటర్నెట్ ఎక్స్‌ప్లోరర్‌ను దక్షిణ కొరియా, జపాన్ లాంటి దేశాల్లో ఎక్కువగా ఉప‌యోగించేవారు. దక్షిణ కొరియన్లు 2014 వరకు ఆన్‌లైన్ షాపింగ్, బ్యాంకింగ్ కోసం ఇంటర్నెట్ ఎక్స్‌ప్లోరర్‌పైనే ఆధార‌ప‌డ్డారు. దీంతో ఒక అభిమాని ద‌క్షిణ కొరియాలోని గ్యుయోంగ్జు నగరంలో ఇంట‌ర్నెట్ ఎక్స్‌ప్లోర‌ర్‌కు స్మారక చిహ్నాన్ని నిర్మించాడు. ‘ఇతర బ్రౌజర్ల‌ను డౌన్‌లోడ్ చేసేందుకు ఇంట‌ర్నెట్ ఎక్స్‌ప్లోర‌ర్ మంచి సాధ‌నం’ అని ఆ స‌మాధిపై రాశాడు. ఈ స‌మాధి ఫొటో నెట్టింట వైర‌ల్‌గా మారింది. ఈ ఫొటో చూసి ఇంట‌ర్నెట్ ఎక్స్‌ప్లోర‌ర్‌తో త‌మ‌కున్న అనుబంధాన్ని పంచుకుంటున్నారు నెటిజ‌న్లు.