Watch: రాతి శిల్పం కాదు, సాగే కాగిత శిల్పం.. అద్భుత కళాఖండం

వ్యక్తి మెడ భాగం వరకు ఉన్న ఈ కళాఖండం చూసేందుకు అచ్చం రాతి శిల్పంగా ఉంటుంది. ఆర్టిస్ట్‌ ఫెలిక్స్‌ దీని తల భాగాన్ని సాగదీయడంతోపాటు పలు కోణాల్లో దానిని వంచుతారు.

వాషింగ్టన్‌: ఒక కళాకారుడు రూపొందించిన కళాఖండం ఎంతో ఆకట్టుకుంటున్నది. చూసేందుకు రాతి శిల్పంలా ఉండే ఇది వాస్తవంగా సాగే విధంగా కాగితంతో తయారైంది. ప్రసిద్ధ క్యూబా అమెరికన్‌ కళాకారుడు ఫెలిక్స్ సెంపర్ దీనిని రూపొందించారు. ఒక వ్యక్తి మెడ భాగం వరకు ఉన్న ఈ కళాఖండం చూసేందుకు అచ్చం రాతి శిల్పంగా ఉంటుంది. ఆర్టిస్ట్‌ ఫెలిక్స్‌ దీని తల భాగాన్ని సాగదీయడంతోపాటు పలు కోణాల్లో దానిని వంచుతారు. తన ప్రతిభతో ఇలా సాగే విధంగా కాగితంతో దీనిని తయారు చేశారు. ఈ అద్భుత కాగిత శిల్పం ఎంతో ఆకట్టుకుంటున్నది.

కాగా, అసాధారణంగా సాగే ఈ కాగితపు శిల్పం వీడియోను ఒకరు ట్విట్టర్‌లో పోస్ట్‌ చేశారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. ఇప్పటికే సుమారు 60 లక్షల మంది ఈ వీడియోను చూశారు. సుమారు లక్ష మంది దీనిని లైక్‌ చేశారు. అద్భుత కళాఖండం అంటూ నెటిజన్లు ప్రశంసించారు. ఊహకు అతీతమైన ఆర్ట్‌ అంటూ ఒకరు కొనియాడారు. మానవ మనస్సును ఉత్తేజపరిచడంతోపాటు ప్రేరేపించే శక్తి కళకు ఉందని మరొకరు పేర్కొన్నారు.

https://twitter.com/fasc1nate/status/1610161273181802499?ref_src=twsrc%5Etfw%7Ctwcamp%5Etweetembed%7Ctwterm%5E1610161273181802499%7Ctwgr%5E55d61611a1d5d16c31bb805c7d2462f09bf9501c%7Ctwcon%5Es1_c10&ref_url=https%3A%2F%2Fwww.ndtv.com%2Ffeature%2Fwatch-this-incredible-stretchable-paper-sculpture-will-blow-your-mind-3674056