న‌క్ష‌త్ర జ‌న‌నం.. హ‌బుల్‌కు చిక్కిన ఖ‌గోళ అద్భుతం

టెక్సాస్‌: ఖ‌గోళ ర‌హ‌స్యాల‌ను చిత్రీక‌రిస్తున్న హ‌బుల్ టెలిస్కోప్‌కు తాజాగా మ‌రో అద్భుతం చిక్కింది. రోద‌సిలో సుదూర తీరాల్లో కొత్త‌గా ఉద్భ‌విస్తున్న ఓ న‌క్ష‌త్ర జ‌న‌న ప్ర‌క్రియ‌ను హ‌బుల్ త‌న కెమెరాల్లో బంధించింది. న‌క్ష‌త్రం పుట్టుక‌కు సంబంధించిన ఫోటోల‌ను నాసా రిలీజ్ చేసింది. హ‌బుల్ ట్విట్ట‌ర్‌లో ఈ ఫోటోలను కూడా షేర్ చేశారు. కొత్త న‌క్ష‌త్ర జ‌న‌న స‌మ‌యంలో ఉద్భ‌వించే శ‌క్తిని ఈ ఫోటోల‌ను చూడ‌వ‌చ్చు. ఎ స్టార్ ఈజ్ బార్న్ అని హ‌బుల్ ట్విట్ట‌ర్‌లో న‌క్ష‌త్ర జ‌న‌నం గురించి ఓ ట్వీట్ చేసింది. ధ్వ‌నిక‌న్నా అధిక‌ వేగంతో వెలుగులుచిమ్ముతూ వెళ్తున్న‌ వాయుగోళానికి సంబంధించిన ఫోటోను హ‌బుల్ రిలీజ్ చేసింది.

జెట్ మాదిరిలా వెళ్తున్న ఆ ప‌దార్ధం.. అప్పుడే ఉద్భ‌విస్తున్న న‌క్ష‌త్రాన్ని ఢీకొట్టుతోంది. ఆ స‌మ‌యంలో క‌ళ్లు మిరుమిట్టుగొలిపే వెలుగు పుట్టిన‌ట్లు నాసా శాస్త్ర‌వేత్త‌లు తెలిపారు. దీన్నే హెర్బిగ్‌-హ‌రో ప‌దార్ధం అంటార‌ని ఖ‌గోళ శాస్త్ర‌వేత్త‌లు చెబుతున్నారు. హ‌ర్బిగ్‌-హ‌రో వ‌స్తువును HH34గా పిలుస్తారు. 1994 నుంచి 2007 మ‌ధ్య ఓ సారి ఈ ఆబ్జెక్ట్‌ను కూడా హబుల్ ప‌సిక‌ట్టింది. HH34 ఆబ్జెక్ట్ సుమారు 1250 కాంతి సంవ‌త్స‌రాల దూరంలో ఉంటుంది. ఆ ప్రాంతాన్ని ఓరియ‌న్ నెబులా అంటారు. భూమికి స‌మీపంగా ఉన్న న‌క్ష‌త్ర జ‌న‌న ప్రాంతం ఇదే. న‌క్ష‌త్రాలు, గ్ర‌హ వ్య‌వ‌స్థ ఇక్క‌డి నుంచే ఏర్ప‌డుతున్న‌ట్లు ఖ‌గోళ శాస్త్ర‌వేత్త‌లు చెబుతుంటారు.