Visit:
గాజా, నవంబర్‌ 30: ఇజ్రాయెల్‌ సైనిక దాడుల్లో పాలస్తీనియన్ల మరణాలు 70 వేలు దాటిందని గాజా ఆరోగ్య శాఖ అధికారులు వెల్లడించారు. అక్టోబర్‌ 10న కాల్పుల విరమణ కుదిరినప్పటికీ, ఇజ్రాయెల్‌ సైనిక దాడులు కొనసాగుతున్నాయని, పౌరుల మరణాలు పెరుగుతున్నాయని గాజా ఆరోగ్యశాఖ నివేదిక తెలిపింది. శాంతి ఒప్పందం అమల్లోకి వచ్చినా.. శిథిలాల నుంచి మృతదేహాలు బయటపడుతున్నాయని పేర్కొన్నది.
ఇజ్రాయెల్‌-హమాస్‌ యుద్ధం మొదలైన నాటి నుంచి ఇప్పటివరకు 70,100 మంది పాలస్తీనియన్లు మరణించారని, ఇటీవల ఓ పాఠశాలలోని శరణార్థుల శిబిరానికి సమీపంలో ఇజ్రాయెల్‌ దాడులు చేపట్టగా, ఇద్దరు చిన్నారులు ప్రాణాలు కోల్పోయారని నివేదిక తెలిపింది. ఓవైపు గాజాలో యుద్ధానంతర పాలనపై అమెరికా కసరత్తు చేస్తుండగా, మరోవైపు గాజాలో కాల్పుల విరమణ ఉల్లంఘనలు చోటుచేసుకుంటున్నాయి.
