Ayatollah Ali Khamenei | ఈ రాత్రి నుంచి ప్రజా సందర్శనకు ఖమేనీ భౌతికకాయం.. అంత్యక్రియల ప్రక్రియ మొదలు

Ayatollah Ali Khamenei | ఇజ్రాయెల్ (Israel)‌, అమెరికా (USA) దాడుల్లో హత్యకు గురైన ఇరాన్‌ సుప్రీం లీడర్‌ (Iran Supreme Leader) అయతుల్లా అలీ ఖమేనీ (Ayatollah Ali Khamenei) మృతదేహాన్ని ఇవాళ (బుధవారం) రాత్రి నుంచి ఇరాన్‌ రాజధాని టెహ్రాన్‌ (Tehran) లో ప్రజా సందర్శనకు ఉంచనున్నారు.

Ayatollah Ali Khamenei : ఇజ్రాయెల్ (Israel)‌, అమెరికా (USA) దాడుల్లో హత్యకు గురైన ఇరాన్‌ సుప్రీం లీడర్‌ (Iran Supreme Leader) అయతుల్లా అలీ ఖమేనీ (Ayatollah Ali Khamenei) మృతదేహాన్ని ఇవాళ (బుధవారం) రాత్రి నుంచి ఇరాన్‌ రాజధాని టెహ్రాన్‌ (Tehran) లో ప్రజా సందర్శనకు ఉంచనున్నారు. అంత్యక్రియల ప్రక్రియ ప్రారంభానికి సంకేతంగా ఖమేనీ భౌతికకాయాన్ని బయటికి తీస్తున్నారు.

ప్రజల సందర్శనార్థం ఖమేనీ భౌతికకాయాన్ని మూడు రోజులపాటు ప్రదర్శనకు పెట్టనున్నట్లు ఇరాన్‌ అధికార టీవీ తెలిపింది. ఖమేనీ తరచుగా ప్రజలను ఉద్దేశించి ప్రసంగాలు చేయడమేగాక, ప్రార్ధనలు నిర్వహించిన సెంట్రల్ టెహ్రాన్‌లోని ఒక పెద్ద ప్రాంగణంలో ఆయన భౌతికకాయాన్ని ఉంచనున్నట్లు వెల్లడించింది. మూడు రోజుల ప్రజా సందర్శన అనంతరం ఇరాన్‌ ఖమేనీ అంత్యక్రియలు నిర్వహించనుంది. మరోపక్క ఇజ్రాయెల్‌పైన, పరిసర దేశాల్లోని అమెరికా సైనిక స్థావరాలపైన ఇరాన్‌ ప్రతీకార దాడులను తీవ్రతరం చేసింది.