Flying Car | ఫ్లయింగ్‌ కారుతో ట్రాఫిక్‌కు చెక్‌.. నేలపై నడిచే, నింగిలో ఎగిరే సరికొత్త కారు

ట్రాఫిక్‌ జామ్‌ కష్టాలను తీర్చేందుకు త్వరలో ఓ సరికొత్త ఎలక్ట్రిక్‌ ఫ్లయింగ్‌ కారు అందుబాటులోకి రాబోతున్నది. దాదాపు 2.35 లక్షల పౌండ్ల (దాదాపు రూ.2.46 కోట్ల)కు లభ్యమయ్యే ఈ కారు సాయంతో మీరు సైన్స్‌-ఫిక్షన్‌ సినిమాల్లో మాదిరిగా విమానంలా నింగిలో ఎగురుతూ ట్రాఫిక్‌ జామ్‌ల నుంచి సులువుగా బయటపడవచ్చు.

• 2025 చివరినాటికి అందుబాటులోకి

Flying Car | బార్సిలోనా: ట్రాఫిక్‌ జామ్‌ కష్టాలను తీర్చేందుకు త్వరలో ఓ సరికొత్త ఎలక్ట్రిక్‌ ఫ్లయింగ్‌ కారు అందుబాటులోకి రాబోతున్నది. దాదాపు 2.35 లక్షల పౌండ్ల (దాదాపు రూ.2.46 కోట్ల)కు లభ్యమయ్యే ఈ కారు సాయంతో మీరు సైన్స్‌-ఫిక్షన్‌ సినిమాల్లో మాదిరిగా విమానంలా నింగిలో ఎగురుతూ ట్రాఫిక్‌ జామ్‌ల నుంచి సులువుగా బయటపడవచ్చు. అలెఫ్‌ ఏరోనాటిక్స్‌ సంస్థ రూపొందించిన ఈ ఫ్లయింగ్‌ కారుకు ‘మాడల్‌-ఏ’ అని నామకరణం చేశారు.

మామూలు కార్ల మాదిరిగా వీధుల్లో రోడ్లపై నడవడంతోపాటు ఎప్పుడు కావాలంటే అప్పుడు టేకాఫ్‌ తీసుకుని నింగిలో ఎటువైపైనా ప్రయాణించగలగడం దీని ప్రత్యేకత. రెండు సీట్లతో చాలా తక్కువ బరువు ఉండే ఈ కారు సింగిల్‌ చార్జింగ్‌తో రోడ్డుపై దాదాపు 200 మైళ్లు (321 కి.మీ.), గాలిలో 110 మైళ్ల (177 కి.మీ.) దూరం ప్రయాణిస్తుంది. ఈ కార్లను 2025 చివరినాటికి అందుబాటులోకి తీసుకురావాలని లక్ష్యం గా పెట్టుకున్నట్టు అలెఫ్‌ ఏరోనాటిక్స్‌ కంపెనీ చీఫ్‌ ప్రకటించారు.