New Study | ఆడపిల్ల తండ్రికి దీర్ఘాయుష్షు.. 74 వారాలు పెరుగనున్న లైఫ్‌టైమ్‌.. పోలండ్‌ వర్సిటీ అధ్యయనంలో వెల్లడి

New Study | ఆడపిల్ల పుట్టిందంటే అయ్యకు ఆయువు సగం కుంగిందన్నమాటే.. ఇది పాత సామెత. కానీ ఆడపిల్ల ఉన్న ఇంట్లో తండ్రి ఆయువు పెరుగుతున్నదని తాజా అధ్యయనంలో వెల్లడైంది. ఆడపిల్లలు ఉన్న తండ్రులు ఎక్కువ కాలం జీవిస్తారని పోలండ్‌లోని జాగిలోనియన్‌ యూనివర్సిటీ సర్వేలో తేలింది. తండ్రుల జీవితకాలాన్ని ప్రతి కుమార్తె సుమారు 74 వారాలపాటు (ఆరేండ్లకుపైగా) పెంచుతుందని పేర్కొన్నది. ఆడపిల్లలు ఉన్న తండ్రులు వారు లేనివారితో పోలిస్తే ఎక్కువ కాలం జీవిస్తారని తేలిపింది.

• కుమార్తెలతో తండ్రుల జీవితకాలం వృద్ధి
• 74 వారాలు పెరుగనున్న లైఫ్‌టైమ్‌
• పోలండ్‌ వర్సిటీ అధ్యయనంలో వెల్లడి

క్రకోవ్‌, అక్టోబర్‌ 10: ఆడపిల్ల పుట్టిందంటే అయ్యకు ఆయువు సగం కుంగిందన్నమాటే.. ఇది పాత సామెత. కానీ ఆడపిల్ల ఉన్న ఇంట్లో తండ్రి ఆయువు పెరుగుతున్నదని తాజా అధ్యయనంలో వెల్లడైంది. ఆడపిల్లలు ఉన్న తండ్రులు ఎక్కువ కాలం జీవిస్తారని పోలండ్‌లోని జాగిలోనియన్‌ యూనివర్సిటీ సర్వేలో తేలింది. తండ్రుల జీవితకాలాన్ని ప్రతి కుమార్తె సుమారు 74 వారాలపాటు (ఆరేండ్లకుపైగా) పెంచుతుందని పేర్కొన్నది. ఆడపిల్లలు ఉన్న తండ్రులు వారు లేనివారితో పోలిస్తే ఎక్కువ కాలం జీవిస్తారని తేలిపింది.

కొడుకులతో ఎలాంటి ప్రభావం లేదు
2,147 మంది తల్లులు, 2,163 మంది తండ్రులపై విశ్లేషించిన డాటా ఆధారంగా పరిశోధకులు వివరాలను వెల్లడించారు. ఇంట్లో కూతురు ఉంటే తండ్రి ఆయుష్షుపై సానుకూల ప్రభావం పడుతుందని గుర్తించారు. కొడుకులు ఉన్న తండ్రులను, కూతుళ్లు ఉన్న తండ్రుల మధ్య జీవితకాల వ్యత్యాన్ని స్పష్టంగా గుర్తించినట్టు తెలిపారు. కొడుకుల సంఖ్య తండ్రుల జీవితకాలంపై ఎలాంటి ప్రభావం చూపలేదని పేర్కొన్నారు. అదే ఆడపిల్లలు ఎక్కువగా ఉన్న తండ్రులు ఎక్కువ కాలం జీవించే అవకాశం ఉన్నట్టు వెల్లడైందని తెలిపారు.

తల్లులపై ప్రతికూల ప్రభావం!
అమెరికన్‌ జర్నల్‌ ఆఫ్‌ హుమన్‌ బయాలజీలో ప్రచురితమైన అధ్యయనం ప్రకారం.. కుమార్తెలు, కుమారులు ఇద్దరూ తల్లి ఆరోగ్యంపై హానికర ప్రభావాన్ని చూపుతున్నారని, ఆమె జీవితకాలాన్ని తగ్గిస్తున్నట్టు అధ్యయనంలో తేలింది. ఒంటరి మహిళల జీవితకాలం ఇటీవల పెరగడమే ఇందుకు నిదర్శనమని అధ్యయనంలో వెల్లడైంది.

భిన్నంగా మరో సర్వే
మరో సర్వే ప్రకారం పిల్లలు ఉన్న తల్లిదండ్రుల ఆయుష్షు పెరుగుతుందని తేలింది. ఆడ, మగ ఎవరున్నా సరే తల్లిదండ్రుల జీవితకాలం పెరుగడానికి దోహదపడతారని వెల్లడైంది. పిల్లలు లేని వారితో పోల్చితే ఎక్కువ కాలం, సుదీర్ఘంగా, సంతోషంగా జీవించే అవకాశం అధికంగా ఉన్నట్టు ఈ అధ్యయనంలో పరిశోధకులు గుర్తించారు.