Imran Khan: 8 గంట‌ల పాటు ఆప‌రేష‌న్‌.. అయినా ఇమ్రాన్‌ను అరెస్టు చేయ‌లేక‌పోయారు

Imran khan:లాహోర్‌లో ఉన్న ఇమ్రాన్ ఇంటి వద్ద ప్ర‌స్తుతం ఉద్రిక్త‌త వాతావ‌ర‌ణం నెల‌కొన్న‌ది. మంగ‌ళ‌వారం జ‌రిగిన అరెస్టు ఆప‌రేష‌న్ స‌క్సెస్ కాలేదు. పీటీఐ కార్య‌కర్తలు అడ్డుకోవ‌డంతో.. పోలీసులు వెన‌క్కి త‌గ్గారు.

March 15, 2023 / 10:21 AM IST

Imran Khan: 8 గంట‌ల పాటు ఆప‌రేష‌న్‌.. అయినా ఇమ్రాన్‌ను అరెస్టు చేయ‌లేక‌పోయారు

లాహోర్‌: పాకిస్థాన్ మాజీ ప్ర‌ధాని ఇమ్రాన్ ఖాన్(Imran Khan) అరెస్టు కోసం జ‌రిగిన ఆప‌రేష‌న్ విఫ‌లమైంది. లాహోర్‌లో ఆయ‌న్ను నిర్బంధించేందుకు పోలీసులు చేసిన ప్ర‌య‌త్నం స‌క్సెస్ కాలేదు. ప్ర‌స్తుతం ఆయ‌న ఇంటి వ‌ద్ద పీటీఐ(PTI) కార్య‌క‌ర్త‌లు, పోలీసుల మ‌ధ్య ఘ‌ర్ష‌ణాత్మ‌క వాతావ‌ర‌ణం నెల‌కొన్న‌ది. తోషాఖానా (Toshakhana)కేసులో ఇమ్రాన్ అరెస్టు వారెంట్ ఎదుర్కొంటున్న విష‌యం తెలిసిందే. ఈ నేప‌థ్యంలో ఆయ‌న్ను అరెస్టు చేసేందుకు మంగ‌ళ‌వారం పోలీసులు ఆయ‌న ఇంటికి వెళ్లారు. ఆ స‌మ‌యంలో పాకిస్థాన్ తెహ్రీక్ ఇన్సాఫ్ మ‌ద్ద‌తుదారులు పోలీసుల్ని అడ్డుకున్నారు. టియ‌ర్ గ్యాస్‌(Tear Gas)ను ప్ర‌యోగించారు. ఓ ద‌శ‌లో కాల్పులు కూడా జ‌రిగాయి. అయినా ఇమ్రాన్ ఇంట్లోకి పోలీసులు వెళ్ల‌లేక‌పోయారు.

My message to the nation to stand resolute and fight for Haqeeqi Azadi & rule of law. pic.twitter.com/bgVuOjsmHG

— Imran Khan (@ImranKhanPTI) March 14, 2023

త‌న‌కు ఇన్ఫ‌ర్మేష‌న్ ఇవ్వ‌కుండానే అక‌స్మాత్తుగా త‌న‌ను అరెస్టు చేసేందుకు పోలీసులు వ‌చ్చిన‌ట్లు ఇమ్రాన్ బీబీసీ(BBC)కి ఇచ్చిన ఇంట‌ర్వ్యూలో తెలిపారు. త‌న‌ను అరెస్టు చేసేందుకు పోలీసులు వ‌స్తున్న‌ట్లు న్యూస్‌లో చూశామ‌ని ఆయ‌న చెప్పారు. అయినా తాను అరెస్టు కావ‌డానికి సిద్ధంగా ఉన్న‌ట్లు తెలిపారు. జైలు(jail) జీవితం గ‌డిపేందుకు తాను మెంటల్‌గా ప్రిపేర‌య్యాన‌ని, ఎన్నాళ్లు జైలులో ఉంటానో తెలియ‌ద‌న్నారు. మార్చి 18వ తేదీ వ‌ర‌కు తాను ముందస్తు బెయిల్(Protective bail) తీసుకున్నాన‌ని, కానీ 14వ తేదీన త‌న‌ను ఎందుకు అరెస్టు చేయాల‌నుకున్నారో తెలియ‌ద‌న్నారు.

PTI Chairman @ImranKhanPTI’s interview to BBC World News: #Fascist_PDM pic.twitter.com/xrLrtIDYGZ

— PTI (@PTIofficial) March 14, 2023

ఇమ్రాన్ అరెస్టు కోసం సాగిన ఆప‌రేష‌న్‌లో 33 మంది పోలీసులు గాయ‌ప‌డ్డారు. ప్ర‌స్తుతం లాహోర్‌లోని జ‌మ‌న్ పార్క్ వ‌ద్ద భారీ సంఖ్య‌లో పోలీసుల్ని మోహ‌రించారు. పోలీసులు త‌న‌ను అరెస్టు చేసేందుకు మ‌ళ్లీ త‌న ఇంటికి రానున్న‌ట్లు ఆయ‌న తాజా వీడియోలో ఆరోపించారు. త‌న‌ను జైలులో వేయ‌డం లండ‌న్ ప్లాన్ అన్నారు. ఎత్తుకువెళ్లి చంపేయాల‌ని ప్ర‌భుత్వం ప్లాన్ వేసిన‌ట్లు చెప్పారు.