Elon Musk | అవును నేను డ్రగ్స్‌ తీసుకున్నా.. టెస్లా నిర్వహణకు ఇది ఎంతగానో ఉపయోగపడింది : ఎలాన్‌ మస్క్‌

Elon Musk | తరచూ డ్రగ్స్‌ (Durgs) తీసుకుంటున్నారంటూ తనపై వచ్చిన ఆరోపణలపై అమెరికన్‌ టైకూన్‌, టెస్లా, స్పేస్‌ ఎక్స్‌ సంస్థల అధినేత ఎలాన్‌ మస్క్‌ (Elon Musk) మరోసారి స్పందించారు. మాదకద్రవ్యాలను వినియోగించినట్లు తాజాగా అంగీకరించారు.

Elon Musk | తరచూ డ్రగ్స్‌ (Durgs) తీసుకుంటున్నారంటూ తనపై వచ్చిన ఆరోపణలపై అమెరికన్‌ టైకూన్‌, టెస్లా, స్పేస్‌ ఎక్స్‌ సంస్థల అధినేత ఎలాన్‌ మస్క్‌ (Elon Musk) మరోసారి స్పందించారు. మాదకద్రవ్యాలను వినియోగించినట్లు తాజాగా అంగీకరించారు. డిప్రెషన్ వంటి ప్రతికూల పరిస్థితులను ఎదుర్కొనేందుకు వైద్యుడి సూచనల మేరకు కెటమిన్‌ (ketamine ) అనే డ్రగ్‌ను తీసుకున్నట్లు తెలిపారు. టెస్లా కంపెనీ నిర్వహణలో డ్రగ్స్ వినియోగం తనకు ఉపయోగపడిందని ఆయన వెల్లడించారు (It Helps Him In Running Tesla).

గతంలో ఓ సారి మానసిక కంగుబాటుకు గురైనట్లు మస్క్‌ చెప్పారు. ఆ సమయంలో దాన్నుంచి బయటపడేందుకు కెటమిన్‌ తనకు చాలా ఉపయోగపడిందన్నారు. వైద్యుడి సూచన మేరకు వారానికి ఒకసారి చిన్న మొత్తంలో దాన్ని తీసుకునేవాడినని వెల్లడించారు. ‘రోజుకు 16 గంటలు పనిచేస్తుంటాను. దాంతో నాపై తీవ్ర ఒత్తిడి ఉండేది. నేను ఎక్కువ కాలం మానసిక కుంగుబాటులో ఉంటే టెస్లా పనితీరుపై తీవ్ర ప్రభావం పడుతుంది. దాన్ని అధిగమించేందుకు కెటమిన్‌ తీసుకున్నా’ అని వెల్లడించారు. ఒకవేళ ఎవరైనా కెటమిన్‌ను ఎక్కువ మోతాదులో తీసుకుంటే ఏ పనీ సక్రమంగా పూర్తి చేయలేరని మస్క్‌ తెలిపారు.

కాగా, తాను డ్రగ్స్‌ తీసుకున్నట్లు మస్క్‌ అంగీకరించడం ఇది రెండోసారి. గతంలో కూడా ఆయన ఈ అంశంపై మాట్లాడారు. రోగన్‌తో కలిసి గతంలో ఓసారి డ్రగ్స్‌ సేవించిన విషయం నిజమేనని అప్పట్లోనే చెప్పారు. ఆ తర్వాత తాను డ్రగ్స్‌ తీసుకోలేదని స్పష్టం చేశారు. నాసా అభ్యర్థనతో టెస్లా ఆఫీసును డ్రగ్స్ రహితంగా నిర్వహిస్తామని హామీ ఇచ్చినట్లు గుర్తు చేశారు. ఆ అభ్యర్థన మేరకు గత మూడేళ్లుగా తాను వైద్య పరీక్షలు కూడా చేయించుకుంటున్నట్లు తెలిపారు. అయితే, ఈ మూడేళ్లలో తన శరీరంలో డ్రగ్స్ కానీ, మద్యానికి సంబంధించి ఎలాంటి ఆనవాళ్లూ గుర్తించలేదని మస్క్ వివరించారు.

మస్క్‌ తరచూ నిషేధిత డ్రగ్స్‌ తీసుకుంటున్నట్లు ఆరోపణలు వచ్చిన విషయం తెలిసిందే. వివిధ ప్రాంతాల్లో జరిగే పార్టీల్లో మస్క్‌ పాల్గొంటూ.. అక్కడ డ్రగ్స్‌ను తీసుకుంటున్నారని అమెరికాకు చెందిన వాల్‌ స్ట్రీట్‌ జర్నల్‌ కథనాన్ని ప్రచురించింది. దీని వల్ల మస్క్‌ ఆరోగ్యంతోపాటు ఆయన వ్యాపార సామ్రాజ్యంపై తీవ్ర దుష్ప్రభావం పడుతున్నదని ఆ సంస్థల డైరెక్టర్ల బోర్డు సభ్యులు ఆందోళన చెందుతున్నట్టు ‘వాల్‌స్ట్రీట్‌ జర్నల్‌’ పత్రిక వెల్లడించింది.

Also Read..

Pashupati Paras | చిరాగ్‌ పాశ్వాన్‌ పార్టీకి ఐదు సీట్లు కేటాయింపు.. మోదీ కేబినెట్‌కు రాజీనామా చేసిన పశుపతి పరాస్‌

Indian Air Force | బాపట్లలో జాతీయ రహదారిపై సుఖోయ్‌ యుద్ధ విమానాల ల్యాండింగ్‌.. VIDEOS

Couple Thrashed | షాకింగ్‌.. ఇంటి ముందు కారు పార్క్‌ చేశారని దంపతులపై దాడి.. VIDEO