Netflix CEO : మైక్రోబ్లాంగింగ్ సంస్థ ట్విట్టర్ను కొనుగోలు తర్వాత ఉద్యోగులపై వేటు, బ్లూటిక్ వెరిఫికేషన్ వంటి నిర్ణయాలు తీసుకున్న ఎలన్ మస్క్ను చాలామంది విమర్శించారు. అయితే, మరికొందరు అతడికి మద్దతు పలికారు. తాజాగా నెట్ఫ్లిక్స్ సీఈఓ రీడ్ హేస్టింగ్స్ అమెరికాలో మస్క్పై ప్రశంసలు కురిపించాడు. న్యూయార్క్ టైమ్స్ డీల్బుక్ సదస్సుకు హాజరైన హేస్టింగ్స్ మాట్లాడుతూ… ‘మస్క్ ధైర్యవంతుడు. ఈ నేలపై క్రియేటివ్గా ఆలోచించే వ్యక్తి అతనొక్కడే. వివిధ రంగాల్లో అతను సాధించిన అద్భుతాలే అందుకు నిదర్శనం. అతను వంద శాతం ఆత్మవిశ్వాసంతో ఉంటాడు. తన విజయాలతో ప్రపంచానికి సాయపడాలి అనుకుంటున్నాడు’ అంటూ మస్క్ను పొగడ్తలతో ముంచెత్తాడు.
అంతేకాదు ఒక బాస్గా తనకు, మస్క్కు ఉన్న తేడాను కూడా వెల్లడించాడు. నేను నిదానంగా, గౌరవప్రదమైన నాయకుడిగా ఉండాలనుకుంటాను. కానీ, మస్క్ అవేం పట్టించుకోడు. తనకు నచ్చినట్టు ఉంటాడు. అతనిలాగ నేను పని చేయలేను. అతడంటే నాకు చాలా గౌరవం అని హేస్టింగ్స్ చెప్పుకొచ్చాడు. అంతేకాదు ట్విట్టర్లో మార్పులు తెస్తున్న మస్క్ను విమర్శించడం సరికాదని అన్నాడు. తనపై ప్రశంసలతో ముంచెత్తిన హేస్టింగ్స్కు ‘వావ్.. మీరు చెప్పిన విషయాలకు థ్యాంక్యూ’ అంటూ మస్క్ ట్వీట్ ద్వారా థ్యాంక్యూ చెప్పాడు.
ఆటోమొబైల్ సంస్థ టెస్లా, అంతరిక్షరంగానికి చెందిన స్పేస్ ఎక్స్ కంపెనీలకు మస్క్ అధిపతి. ఈ ఏడాది 44 వందల కోట్ల డాలర్లతో మస్క్ ట్విట్టర్ను కొనుగోలు చేశాడు.