Visit:
న్యూయార్క్‌, జూన్‌ 14: మన శ్వాసను బట్టి మనకు ఊపిరితిత్తుల క్యాన్సర్‌ ఉన్నదా? లేదా? అని గుర్తించే శక్తి తూనీగలకు ఉన్నదని శాస్త్రవేత్తలు తాజాగా తేల్చారు. శునకాల మాదిరే కీటకాలు కూడా వాసనలు సరిగ్గా గుర్తించగలవని అమెరికాలోని మిషిగన్‌ స్టేట్‌ యూనివర్సిటీ శాస్త్రవేత్తలు తెలిపారు. ఊపిరితిత్తుల క్యాన్సర్‌ ఉన్న వ్యక్తి శ్వాస ద్వారా బయోమార్కర్లను తూనీగలు గుర్తించాయని వెల్లడించారు. ల్యాబ్‌లో నిర్వహించిన పరీక్షల్లో ఈ ఆశ్చర్యకర విషయం వెలుగులోకి వచ్చిందని వివరించారు. దాదాపు 20 తూనీగలపై చేసిన పరీక్షల్లో కచ్చితమైన ఫలితాలు సాధించామని పేర్కొన్నారు.
