Visit:
బీజింగ్: ఇంకొన్ని నెలల్లోనే కారు దిగకుండా అందులోనే టాయిలెట్ వెళ్లే సౌకర్యం రానున్నది! చైనా కార్ల తయారీ సంస్థ ‘సెరెస్’ టాయిలెట్ కలిగిన కారును ఆవిష్కరించి దానికి పేటెంట్ పొందింది. ప్రయాణికులు సీటు కింద ఉన్న ఈ టాయిలెట్ను ఒక బటన్ నొక్కడం ద్వారా లేదా వాయిస్ కమాండ్ ద్వారా ఉపయోగించుకోవచ్చు.
దూర ప్రయాణాల్లో ఈ టాయిలెట్ వాడకందారులను సంతృప్తి పరుస్తుందని సెరెస్ తెలిపింది. పరిశుభ్రత, సౌకర్యాల కోసం టాయిలెట్ వాడినప్పుడు దుర్వాసనను బయటకు పంపేందుకు ప్రత్యేక ఫ్యాన్, ఎగ్జాస్ట్ వ్యవస్థను అమర్చారు. మూత్రాన్ని ఆవిరి చేయడానికి, ఇతర వ్యర్థాలను ఆర బెట్టేందుకు ఒక వేడి కారకాన్ని ఉపయోగిస్తారు. ఈ టాయిలెట్ కలిగిన కార్లను వెంటనే మార్కెట్లోకి తెచ్చే విషయమై సెరెస్ ఇంకా ఎలాంటి ప్రకటన చేయలేదు.
