చరిత్రలో ఈరోజు: అంతరిక్షంలోకి చింపాజీ.. మానవుడు వెళ్లేందుకు మార్గం

Today History: అంతరిక్షంలోకి తొలిసారి ఒక చింపాంజీ 1961 లో సరిగ్గా ఇదే రోజున బయల్దేరి వెళ్లింది. అంతరిక్షంలోకి వెళ్లిన తొలి జంతువుగా చరిత్ర సృష్టించింది. మనిషి అంతరిక్షంలోకి...

Today History: అంతరిక్షంలోకి తొలిసారి ఒక చింపాంజీ 1961 లో సరిగ్గా ఇదే రోజున బయల్దేరి వెళ్లింది. 1959 లో అమెరికా ఎయిర్‌ఫోర్స్‌లోకి తీసుకువచ్చిన తర్వాత ఈ చింపాజీకి రకరకాల పరీక్షలు చేసి.. ఎన్నో బుద్ధులు నేర్పారు. తొలుత ఈ చింపాంజీ పేరు #65 చాంగ్. అంతరిక్షం నుంచి భూమికి తిరిగి వచ్చిన తర్వాత హైమ్ అని పేరు మార్చారు. హైమ్‌ అనే ఈ చింపాంజీ.. అంతరిక్షంలోకి వెళ్లిన తొలి జంతువుగా చరిత్ర సృష్టించింది. మనిషి అంతరిక్షంలోకి వెళ్తే అతడిపై ఎలాంటి ప్రభావాలు ఉంటాయనే సమాచారం తెలుసుకునేందుకే ఈ చింపాంజీని అంతరిక్షంలోకి పంపారు.

1957లో జన్మించిన ఈ చింపాంజీని కామెరూన్ అడవుల నుంచి అమెరికాలోని ఫ్లోరిడా నగరానికి తీసుకొచ్చారు. ఫ్లోరిడాలోని మయామి రేర్ బర్డ్ ఫర్మ్‌లో దీనికి నివాసం కల్పించారు. 1959లో అంతరిక్షంలో శిక్షణ కోసం అమెరికా ఎయిర్ ఫోర్స్ బేస్‌కు పంపించారు. 18 నెలల శిక్షణ అనంతరం హైమ్ అంతరిక్షంలోకి వెళ్లడానికి సిద్ధమైంది. మూడున్నరేండ్ల వయసున్న చింపాంజీని కంటైనర్‌లో కట్టి అంతరిక్షంలోకి పంపించారు. అంతరిక్షంలోకి ప్రవేశించే సమయంలో అధిక ఒత్తిడి కారణంగా హైమ్‌ ప్రయాణిస్తున్న క్యాప్సూల్‌ దెబ్బతిన్నది. అయితే, హైమ్‌ వేసుకున్న స్పేస్‌ సూట్‌ దానిని క్షేమంగా ఉంచగలిగింది.

భూమికి తిరిగి వస్తున్న సమయంలో హైమ్ ప్రయాణిస్తున్న క్యాప్సూల్ అట్లాంటిక్ మహాసముద్రంలో పడిపోయింది. దానిని కాపాడేందుకు ఓడ గంటల వ్యవధిలో ఘటనాస్థలికి చేరుకున్నా హైమ్‌కు ఎలాంటి నష్టం జరుగలేదు. క్యాప్సూల్‌లోంచి బయటకు తీసి భద్రంగా ఫ్లోరిడాకు తీసుకెళ్లారు. అనంతరం 1963లో వాషింగ్టన్‌లోని నేషనల్ జూలో నివాసం ఏర్పాటుచేసి పెంచారు. తర్వాత కొన్ని రోజులకు నార్త్ కరోలినా జూకి పంపారు. కాగా, హైమ్ 1983 జనవరి 19 న మరణించింది.

మరికొన్ని ముఖ్య సంఘటనలు..

2020: యూరోపియన్ యూనియన్ నుంచి అధికారికంగా నిష్క్రమించిన బ్రిటన్‌

2010: ప్రపంచంలోనే 2 బిలియన్ డాలర్లు వసూలు చేసిన మొదటి చిత్రంగా నిలిచిన అవతార్‌

2004: పాకిస్తాన్‌ ప్రధాని వ్యక్తిగత సలహాదారు పదవి నుంచి పాకిస్తానీ అణు కార్యక్రమం పితామహుడు డాక్టర్ అబ్దుల్ ఖాదిర్ ఖాన్ తొలగింపు

1996: శ్రీలంకలో ఆత్మాహుతి దాడి, 86 మంది దుర్మరణం

1966: మానవ రహిత లూనా-9 అంతరిక్ష నౌకను ప్రయోగించిన సోవియట్ యూనియన్

1975: బాలీవుడ్ నటి ప్రీతి జింటా జననం

1958: మొదటి కృత్రిమ అంతరిక్ష ఉపగ్రహాన్ని అంతరిక్షంలోకి పంపిన అమెరికా