ఇంగ్లండ్ : ఓ పోలీసు అధికారి అనుచిత ప్రవర్తన.. అతని ఉద్యోగానికి ఎసరు పెట్టింది. సహోద్యోగి పురుషాంగం చిన్నగా ఉందని ఎగతాళి చేయడంతో.. ఆ పోలీసు ఆఫీసర్ను విధుల నుంచి తొలగించారు. ఈ ఘటన ఇంగ్లండ్లోని విల్ట్షైర్ పోలీసు డిపార్ట్మెంట్లో చోటు చేసుకుంది.
పోలీసు ఆఫీసర్ అడమ్ రీడ్స్ 2021లో డివైజెస్ పోలీసు స్టేషన్లో విధులు నిర్వర్తిస్తున్నాడు. ఆ సమయంలోనే ఓ కొత్త ఉద్యోగి విధుల్లో చేరాడు. అయితే కొత్త ఉద్యోగి ప్యాంట్ను బలవంతంగా విప్పి.. అతని పురుషాంగాన్ని అడమ్ రీడ్స్ పట్టుకున్నాడు. పురుషాంగం చిన్నదిగా ఉందని అందరి ముందే ఎగతాళి చేశాడు.
ఈ ఘటనను పోలీసు డిపార్ట్మెంట్ సీరియస్గా తీసుకుంది. కోర్టులో పిటిషన్ దాఖలైంది. ఐదు రోజుల విచారణ అనంతరం అడమ్ రీడ్స్ను విధుల్లో నుంచి తొలగిస్తూ తీర్పు వెల్లడైంది. అడమ్ రీడ్స్ వైఖరిపై విల్ట్షైర్ డిప్యూటీ చీఫ్ కానిస్టేబుల్ పాల్ మిల్స్ స్పందించారు. అడమ్ అనుచితంగా ప్రవర్తించడమే కాకుండా, సహోద్యోగి గౌరవానికి భంగం కలిగేలా ప్రవర్తించాడని పేర్కొన్నారు. రీడ్స్ ప్రవర్తన అవాంఛిత శృంగారానికి ప్రయత్నించినట్లు ఉందన్నారు.