Visit:
శాన్‌ఫ్రాన్సిస్కో: ట్విట్టర్‌కు పోటీగా అభివృద్ధి చేసిన ‘బ్లూస్కై’ యాప్‌ యాపిల్‌ యాప్‌ స్టోర్‌లో అందుబాటులోకి వచ్చింది. ప్రస్తుతం ఇన్విటేషన్‌ ద్వారా ఈ యాప్‌ను డౌన్‌లోడ్‌ చేసుకునే అవకాశం ఉన్నది. ట్విట్టర్‌ కో ఫౌండర్‌, మాజీ సీఈవో జాక్‌ డోర్సే బ్లూస్కైను స్థాపించారు.
ట్విట్టర్‌లో ఉన్నప్పటి నుంచే ఆయన ఈ ప్రయత్నాలను ప్రారంభించారు. 2021లో ట్విట్టర్‌ నుంచి బయటకు వచ్చాక పూర్తిస్థాయిలో బ్లూస్కైను అభివృద్ధి చేశారు. ట్విట్టర్‌కు తమ యాప్‌ ప్రత్యామ్నాయంగా ఆయన చెప్తున్నారు. ఇందులో 256 అక్షరాలతో పోస్ట్‌ చేయడానికి వీలుంటుంది. ఫొటోలు, వీడియోలు కూడా పోస్ట్‌ చేయవచ్చు.
