బార్‌లో కాల్పుల క‌ల‌క‌లం : 9 మంది మృతి

సెంట్ర‌ల్ మెక్సికో గున‌జుటో స్టేట్‌లోని ఓ బార్‌లో కాల్పుల ఘ‌ట‌న‌లో తొమ్మిది మంది ప్రాణాలు కోల్పోగా ఇద్ద‌రికి గాయాల‌య్యాయి.

మెక్సికో : సెంట్ర‌ల్ మెక్సికో గున‌జుటో స్టేట్‌లోని ఓ బార్‌లో కాల్పుల ఘ‌ట‌న‌లో తొమ్మిది మంది ప్రాణాలు కోల్పోగా ఇద్ద‌రికి గాయాల‌య్యాయి. అప‌సియోల్ అల్టో ప‌ట్ట‌ణంలోని బార్‌లోకి బుధ‌వారం రాత్రి 9 గంట‌ల ప్రాంతంలో చొచ్చుకువ‌చ్చిన సాయుధ దుండ‌గులు లోప‌లున్న వారిపై విచ‌క్ష‌ణార‌హితంగా కాల్పుల‌కు తెగ‌బ‌డ్డార‌ని అధికారులు వెల్ల‌డించారు.

కాల్పుల్లో ఐదుగురు పురుషులు, న‌లుగురు మ‌హిళ‌లు మ‌ర‌ణించారు. మ‌రో ఇద్ద‌రు మ‌హిళ‌ల‌కు గాయాల‌య్యాయి. గాయ‌ప‌డిన మ‌హిళల ప‌రిస్ధితి ప్ర‌స్తుతం నిల‌క‌డ‌గా ఉంద‌ని అధికారులు పేర్కొన్నారు. కాల్పులు జ‌రిపిన దుండ‌గుల‌ను ఇంకా గుర్తించ‌లేద‌ని, ఓ నేర‌స్తుల గ్రూపున‌కు సంబంధించిన రెండు పోస్ట‌ర్లు ఘ‌ట‌నా స్ధ‌లంలో విడిచివెళ్లార‌ని చెప్పారు.

పారిశ్రామిక హ‌బ్‌గా పేరొందిన గున‌జుటోలో త‌ర‌చూ గ్యాంగ్ వార్స్ జ‌రుగుతుంటాయి. గ‌త నెల‌లో ఇరుపుటో సిటీలోని బార్‌లో జ‌రిగిన కాల్పుల్లో 12 మంది మ‌ర‌ణించ‌గా సెప్టెంబ‌ర్‌లో అదే ప్రాంతంలో జ‌రిగిన కాల్పుల ఘ‌ట‌న‌లో 10 మంది ప్రాణాలు కోల్పోయారు.