Red Pins: ఆస్కార్ వేడుక‌లో రెడ్ పిన్స్ ధ‌రించిన న‌టులు.. ఎందుకోస‌మంటే

Red Pins: ఆస్కార్ వేడుక‌కు వ‌చ్చిన న‌టులు చిన్న సైజు రెడ్ పిన్స్ ధ‌రించారు. చేతికి చెందిన బొమ్మ‌పై ఉన్న అర‌చేతిలో ఓ న‌ల్ల రంగు గుండెను ఆ పిన్‌లో డిజైన్ వేశారు. గాజాలో శాంతి డిమాండ్ చేస్తూ ఆ పిన్స్ పెట్టుకున్న‌ట్లు న‌టుడు రామీ యూసెఫ్ తెలిపారు.

లాస్ ఏంజిల్స్‌: లాస్ ఏంజిల్స్‌లో జ‌రిగిన 96వ అకాడ‌మీ అవార్డుల ప్ర‌దానోత్స‌వంలో.. కొంద‌రు న‌టులు చిన్న సైజు రెడ్ పిన్స్(Red Pins) ధ‌రించారు. చేతికి చెందిన బొమ్మ‌పై ఉన్న అర‌చేతిలో ఓ న‌ల్ల రంగు గుండెను వేశారు. రెడ్ పిన్స్ ధ‌రించిన న‌టుల ఫోటోలు వైర‌ల్ అయ్యాయి. ఇజ్రాయిల్ – హ‌మాస్ సంక్షోభానికి తెర‌దించాల‌ని, కాల్పుల విర‌మ‌ణ ఒప్పందాన్ని పాటించాల‌ని కోరుతూ ఆ పిన్స్‌ను ధ‌రించిన‌ట్లు తెలుస్తోంది. గాజాలో శాంతి డిమాండ్ చేస్తూ ఆ పిన్స్ పెట్టుకున్న‌ట్లు న‌టుడు రామీ యూసెఫ్ తెలిపారు. గాజాలో శాశ్వ‌తంగా, త‌క్ష‌ణ‌మే కాల్పుల విర‌మ‌ణ పాటించాల‌ని, ప్ర‌తి ఒక్క‌రూ సుర‌క్షితంగా ఉండాల‌ని పిలుపు ఇస్తున్నామ‌ని, పాల‌స్తీనా ప్ర‌జ‌లకు కూడా శాంతి ద‌క్కాల‌ని, పిల్ల‌ల్ని చంప‌డం ఆపేయండని న‌టుడు యూసెఫ్ తెలిపారు.

ఆర్టిస్ట్‌4సీజ్‌ఫైర్ అనే సంస్థ ఆ రెడ్ పిన్నుల‌ను అందించింది. గాజాలో శాంతి నెల‌కొల్పాల‌ని కోరుతూ న‌టులు ఓ లేఖ‌పై సంత‌కం చేసి అధ్య‌క్షుడు బైడెన్‌కు పంపారు. సంత‌కం చేసిన న‌టుల్లో జెస్సికా చాస్టియ‌న్‌, క్వింటా బ్రున్‌స‌న్‌, రిచ‌ర్డ్ గేర్‌, అమెరికా ఫెరిరా, కేట్ బ్లాంకెట్‌, లుపిటా నుంగో, మెహ‌ర్‌షాలా అలీ ఉన్నారు.