Covishield Vaccine | కొవిషీల్డ్‌ వ్యాక్సిన్లు వెనక్కి!

‘కొవిషీల్డ్‌తో దుష్ప్రభావాలు నిజమే.. అరుదైన కేసుల్లో రక్తం గడ్డ కట్టడం, ప్లేట్‌లెట్ల కౌంట్‌ తగ్గిపోవటం లాంటి సమస్యలు ఎదురయ్యాయి’ అని బాంబ్‌ పేల్చిన ఆస్ట్రాజెనెకా ఇప్పుడు తన కరోనా వ్యాక్సిన్లను వెనక్కి తీసుకుంటున్నది.

Covishield Vaccine | లండన్‌/న్యూఢిల్లీ, మే 8: ‘కొవిషీల్డ్‌తో దుష్ప్రభావాలు నిజమే.. అరుదైన కేసుల్లో రక్తం గడ్డ కట్టడం, ప్లేట్‌లెట్ల కౌంట్‌ తగ్గిపోవటం లాంటి సమస్యలు ఎదురయ్యాయి’ అని బాంబ్‌ పేల్చిన ఆస్ట్రాజెనెకా ఇప్పుడు తన కరోనా వ్యాక్సిన్లను వెనక్కి తీసుకుంటున్నది. ఈ వ్యాక్సిన్‌ డోసులను భారత్‌లో సీరం ఇన్‌స్టిట్యూట్‌ తయారుచేసింది.

అయితే, ఇప్పుడు కరోనా ప్రభావం తగ్గిపోవటం, మిగులు డోసులు ఉండటంతో వ్యాక్సిన్లను వెనక్కి తీసుకుంటున్నట్టు ఆస్ట్రాజెనెకా వెల్లడించింది. అదీకాక.. ఈ వ్యాక్సిన్‌ ఇక నుంచి వినియోగానికి అనుమతి లేదని యురోపియన్‌ మెడిసిన్స్‌ ఏజెన్సీ ఆ సంస్థకు నోటీసు కూడా జారీ చేసింది. అయితే, దుష్ప్రభావాలు ఉన్నాయని తెలిపిన కొన్నిరోజులకే వ్యాక్సిన్లను వెనక్కి రప్పించటంపై సందేహాలు తలెత్తుతున్నాయి.