నా భార్యకు టీకా ఇస్తావా.. నర్సు మొహం పగలగొట్టిన భర్త

నర్సు | కరోనా మహమ్మారిపై విజయం సాధించాలంటే వ్యాక్సినేషన్‌ మాత్రమే మార్గం. ప్రభుత్వాలు కూడా ప్రతిఒక్కరు టీకా తీసుకోవాలని ప్రచారం నిర్వహిస్తున్నాయి.

క్యూబెక్‌: కరోనా మహమ్మారిపై విజయం సాధించాలంటే వ్యాక్సినేషన్‌ మాత్రమే మార్గం. ప్రభుత్వాలు కూడా ప్రతిఒక్కరు టీకా తీసుకోవాలని ప్రచారం నిర్వహిస్తున్నాయి. అందరికీ ఉచితంగానే టీకా పంపిణీ చేస్తున్నాయి. ఓ మహిళ కరోనా టీకా తీసుకున్నది. అయితే తన అనుమతి లేకుండా టీకా తీసుకుంటావా అని ఆమె భర్త గొడవకు దిగాడు. ఆమెకు వ్యాక్సిన్‌ ఇచ్చిన నర్సు మొహాన్ని పచ్చడి చేశాడు. ఈ ఘటన కెనడాలోని క్యూబెక్‌ ప్రావిన్స్‌లో జరిగింది.

క్యూబెక్ ప్రావిన్స్‌లోని షేర్‌బ్రూక్‌ పట్టణంలో ఉన్న ఫార్మసీలో ఓ మహిళ వ్యాక్సిన్‌ తీసుకున్నది. అనుమతిలేకుండా తన భార్యకు వ్యాక్సిన్‌ ఇస్తావా అని.. ఆమెకు టీకా ఇచ్చిన నర్సుపై దాడికి దిగాడు. ఆవేశంలో ఆమె మొహంపై విచక్షణారహితంగా పిడిగుద్దులు గుప్పించాడు. దీంతో తీవ్రంగా గాయపడిన ఆమె దవాఖానలో చికిత్స పొందుతున్నది. సమాచారం తెలుసుకున్న పోలీసులు ఆ వ్యక్తి కోసం గాలిస్తున్నారు.