ఒంటరిగా ఉంటే త్వరగా వృద్ధాప్యం!

ఎక్కువ రోజులు ఒంటరిగా ఉంటున్నారా? నిస్సహాయంగా, విచారకరంగా జీవనం సాగిస్తున్నారా? అయితే, మీకు అందరికంటే ముందు ముసలితనం వచ్చేస్తుంది.

వాషింగ్టన్‌: ఎక్కువ రోజులు ఒంటరిగా ఉంటున్నారా? నిస్సహాయంగా, విచారకరంగా జీవనం సాగిస్తున్నారా? అయితే, మీకు అందరికంటే ముందు ముసలితనం వచ్చేస్తుంది. ఒంటరిగా, దుఃఖంతో కాలం వెళ్లదీసే వారి శరీరంలో కణాలు దెబ్బతిని త్వరగా వృద్ధాప్యం వస్తుందని అమెరికా, చైనా పరిశోధకుల అధ్యయనంలో తేలింది. సిగరెట్‌ తాగేవారికంటే కూడా త్వరగా వృద్ధులైపోతారని పరిశోధకులు గుర్తించారు. చైనాకు చెందిన 11,914 మంది యువతపై అధ్యయనం చేశారు. వారి రక్త నమూనాలు, బయోమెట్రిక్‌ డాటాను సేకరించి, విశ్లేషించారు. స్ట్రోక్‌, కాలేయం, ఊపిరితిత్తుల సంబంధ వ్యాధులు, ధూమపానం అలవాటు ఉన్నవారితోపాటు దుర్భలమైన మానసిక స్థితి ఉన్నవారిలో కూడా త్వరగా వృద్ధాప్యం వస్తుందని తేల్చారు.